Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji  3

“Lelo ulanga amba bufundiji bwa Yesu budi na kamweno mu ano etu mafuku? [Muleke akulondolole.] Bine nobe kukabulwepo kwitabija uno musoñanya wāsoñenye Yesu mu difuku dya mfulo dya būmi bwandi. [Tanga Yoano 15:12.] Kadi Yesu wāfundije bufundiji bukwabo bwa kamweno mu dine difuku’dya. Kino Kiteba kya Mulami kilombola muswelo otukokeja kumwena mu buno bufundiji.”

Réveillez-vous ! 22 Kweji 3

“Lelo nobe kodi mujingulule amba mu ano mafuku bantu bavule bakomenwanga kulāla tulo tobakonkeja? [Muleke akulondolole.] Kuzumbijazumbija mutyima ne malangalanga bikokeja kulengeja kino kintu. [Tanga Musapudi 5:12.] Dino dipepala dibandaula bintu bimobimo bipwanga bantu tulo, dileta ne madingi mafwaninwe a mwa kulumbulwila bibidiji byetu bya mwa kulādila tulo.”

Kiteba kya Mulami 1 Kweji 4

“Bidibwa byobalombwele pano’bi i byobya bitwanga divule bu Kya ku Meza. [Mulombole pa kibalu kya kumeso ne kya kunyuma.] Lelo uyukile amba kino kyo kinkumenkume kimo kete kinenwe bene Kidishitu kuvuluka? [Muleke akulondolole. Kupwa tanga Luka 22:19.] Dino dipepala dishintulula mwanda waka kino kivulujo kidi na mvubu mpata ne kidi na kamweno kodi namani.”

Réveillez-vous ! 8 Kweji 4

“Mwene i kya bulanda mpata pa kumona būmi bwa bankasampe bavule bonwa na dyamba? [Mukele akulondolole.] Divule bashilulanga kutoma’dyo kobendanga kisense na bakwabo babi. [Tanga 1 Kodinda 15:33.] Uno Réveillez-vous ! ubandaula i bika bilengejanga bankasampe bashilule kutoma madyamba ne i bika bikokeja kulonga bambutwile mwanda wa kwibakinga.”