Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 3

“Bavule kebadi bafikilwe na bushiyena bwa kufwilwa muntu obaswele. Lelo nobe uyukile uno mulao usenga? [Tanga Bilongwa 24:15. Kupwa muleke alondolole.] Bavule beipangulanga amba, Le i ani ukasangulwa? Lusangukilo lukekala’ko kitatyi’ka? I kwepi le kolukekadila? Dino dipepala dileta malondololo a Bible ku bino bipangujo.”

Réveillez-vous ! Kweji 3

“Bantu bangi bakulupile amba Yesu i Leza. Ino Petelo mwanā bwanga wa Yesu aye wāmutelele bu Mwanā Leza. [Tanga Mateo 16:16.] Molangila bibwanika Yesu ekale aye umo Leza kadi aye umo Mwanā Leza? [Muleke alondolole.] Kino kishinte kidi pa paje wa 12-13 kibandaula kino kipangujo, ne kulombola munenena’po Bible.”

Kiteba kya Mulami 1 Kweji 4

“Bino binenwa biyukane bilombola mvubu ya kuyuka Leza. [Tanga Mateo 4:4.] Inoko bavule bene bakomenwe kwivwanija Kinenwa kya Leza. Le nobe ye momwena? [Muleke alondolole.] Dino dipepala dileta madingi mafike’po akokeja kukukwasha wivwanije Bible.”

Réveillez-vous ! Kweji 4

“Bantu bangi baloñanga buninge bwa kwikala na nsangaji ino batyetye kete bo batananga’yo. Ulanga amba kudi kitelelwe pano kikokeja kukwasha bantu bamone nsangaji kutabuka mu būmi? [Mulombole kapango kadi pa paje 9. Kupwa tanga kisonekwa kimo ku bitelelwe’po.] Ino nimelo ya Réveillez-vous ! ilombola kyalwilo kimanine pa Bible kileta nsangaji ya binebine.”