Bande wa Video Otufwaninwe Kulangulukila’po Bininge
“Uno bande wa video ulangulujanga bya binebine!”
“Wantengele ku mutyima mpata!”
“Ngitu yonso yadi keinguluka masenda!”
1 Lelo nobe ye mowaivwanine powatadile dibajinji bande wa video Les jeunes s’interrogent. . . Comment se faire de vrais amis ? Myaka kunyuma, mwanetu umo nsongwalume wapityile mu kitatyi kya makambakano mu būmi bwandi, byonso’byo mwanda wa balunda babi baatongele. Bamujimijija mutyima waadi utele ku bubinebine, nandi wajimija kipwano kyandi na Yehova. Kupwa bande wa video Vrais amis walupulwa. Kupwa walemba’mba: “Ponadi ntala uno bande wa video misunsa ne misunsa, impolo yadi keinsuma mu meso. Nafwijije’ko Yehova pangala pa buno bukwashi bwaletele pa kitatyi kifwaninwe.” Uno bande wa video wamupele mutyima wa kushinta būmi bwandi ne kusokola balunda bayampe. Wabwejeje’ko amba: “Mona’mba muyukile biyampe byobya bifikilanga bankasampe ano mafuku.” Banwe bambutwile ne bankasampe, le mubulwe’po kukatala uno bande wa video dikwabo ku kifundwa kyenu kya kisaka? Shi kemutale’ye, mwimikei kupwa kwa kipindi ne kipindi, mwa kwisambila banwe bonso pampikwa kafinda ne kwakubulwa budimbidimbi pa bipangujo bitanwa mu misango ilonda’ko.
2 Ntwelelo: Le mulunda wa bine i mulunda’ka?—Nk. 18:24.
3 Bijika pa Kutana Balunda: I muswelo’ka okokeja kunekenya milangwe ya kwimona bu muntu mwelwe na bakwabo? (Fid. 2:4) Mwanda waka ufwaninwe kwikala na mutyima wa kulumbulula bumuntu bobe, ne i ani ukokeja kukukwasha ulumbulule’bo? I bika bikakushitwila mikenga ya kwikala na balunda bavule, ne i kwepi kobatanwa?—2 Kod. 6:13.
4 Bulunda na Leza: I muswelo’ka okokeja kuningisha kipwano na Yehova, ne mwanda waka kuningisha’kyo kudi na kamweno? (Mit. 34:8) Lelo i ani ukokeja kuningisha senene bulunda bosambile na Leza?
5 Balunda Babi: Lelo balunda babi i balunda’ka? (1 Kod. 15:33) Le balunda babi bakokeja namani kufikija muntu ku musala wa ku mushipiditu? Lelo lusango lwa mu Bible lwa Dina lukufundija bika?—Ngal. 34:1, 2, 7, 19.
6 Drame ya mu Ano Mafuku: Lelo kwitolwela pa bunka kwafikije Tara ku bika? Le wadi ubingija namani kipwano kyaadi upwene na bankasampe ba ino ntanda? Lelo bamufikije ku byaka’ka? Mwanda waka bambutwile bandi kebamwenepo kyaka kyaadi’mo, ino bamukweshe na mutyima wa muswelo’ka pa kusaka’mba akome monka ku mushipiditu? Le kaka umo pania waikele mulunda wa binebine wa Tara muswelo’ka? Mwanda waka Bene Kidishitu bafwaninwe kulonda binene Nkindi 13:20 ne Yelemia 17:9? I bufundiji’ka bwa kamweno bwefundile Tara?
7 Mvuyo: I ñeni’ka yowaboila ku uno bande wa video? Le ubwanya kwingidija’ye namani pa kukwasha bakwenu?—Mit. 71:17.