Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 11

“Pa kumona koneka kwa ntanda, bamo beipangulanga’mba, ‘Le kyomfwila kulonga enka byoloke i kika?’ Le nobe kodi mwiipangule uno muswelo? [Muleke alondolole.] Tala bino binenwa bikankamika. [Tanga Nkindi 2:21, 22.] Dino dipepala dishintulula buluji bwine botufwaninwe kwikadila boloke.”

Réveillez-vous ! Kweji 11

“Bantu bamo bamonanga amba Leza ye nsulo ya byonso bilongeka. Shi kudi kinkumbulu, banena amba Leza udi na bubinga bwaaletela’kyo. Le nobe ulanga’po namani? [Muleke alondolole. Kupwa tanga Yakoba 1:13.] Uno Réveillez-vous ! ulombola binena Bible pa kine kyotususukila ne kilonga Leza pa kusaka kufudija masusu.”

Kiteba kya Mulami 1 Kweji 12

“Le ulanga amba buno bupolofeto bwa mu Bible bufikidilanga dyalelo? [Tanga Mateo 24:11. Kupwa muleke alondolole.] Dino dipepala disambila pa bufundiji bumobumo bwasambakana koku na koku. Kadi bulombola motukokeja kwepukila kongolwa na bafundiji ba bubela.”

Réveillez-vous ! Kweji 12

“Lelo i ani okokeja kutela amba yao i muntu mukatakata wa kasha ne kashele? [Muleke alondolole.] Bavule bamona amba Yesu i muntu mukatakata. Ivwana bidi byasa kulongela ntanda aye Mulopwe wa Bulopwe bwa Leza. [Mulombole kifwatulo kidi pa paje 8-9, kadi tanga kisonekwa kimo pa bisonekwa bityite.] Uno Réveillez-vous ! wisambila pa muswelo ne kitatyi kikalonga Yesu kino.”