Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 11

“Le ulanga’mba shi balume ne bakaji abalonda ano madingi a mu Bible, kijimba kya busongi bwabo kikaninga? [Tanga Yoba 31:1. Ebiya muleke alondolole.] Kino Kiteba kya Mulami kilombola misoñanya ya mu Bible ikwasha balume ne bakaji balame kipwano kya busongi.” Wisambile pa kishinte kidi pa paje wa 18.

Réveillez-vous ! Kweji 11

“Bantu bavule bayukile’mba bintu bidi mu ngui byendanga bikuba mu muswelo uleta moyo. Le ulanga maludiki a bantu akapwija uno mwanda? [Muleke alondolole. Ebiya tanga Mateo 6:10.] Uno Réveillez-vous ! ushintulula kyo bikadile namino i kika ne kulombola mukapwijija’byo Leza.” Wisambile pa kishinte kidi pa paje 20.

Kiteba kya Mulami 1 Kweji 12

“Ino myeji, bantu bavule besambanga myanda ya Yesu. Lelo myanda ya Yesu ikutala ne abe muswelo’ka? [Muleke alondolole.] Bible witukankamika kulonda kimfwa kya Yesu. [Tanga 1 Petelo 2:21.] Kumwiula kwitulengeja twikale biyampe, kadi na nsangaji. Kino Kiteba kya Mulami kishintulula mwanda’ka tubanena namino.”

Réveillez-vous ! Kweji 12

“Pano ke myaka tutwa na tutwa bantu beipangula’nka kwipangula kino kipangujo. [Funka kipangujo kidi pa kibalu.] Le ulanga i kwepi kotukatana malondololo a bine? [Muleke alondolole.] Tala mwanda waka tukokeja kutana kilondololwa kudi Leza. [Tanga Mitōto 100:3.] Uno Réveillez-vous ! witusapwila binena Bible pa uno mwanda.”