Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 8

“Nadi nkimba kuyuka molangila pa bino binenwa. [Tanga Bahebelu 3:4.] Lelo nobe witabije amba umbuo walongelwe na Mukala-Ñeni wa ñeni? [Muleke alondolole.] Uno mulami ubandaula shi lukulupilo lwa amba kudi Mukala-Ñeni i lukwatañane na sianse ya binebine.”

Réveillez-vous ! Kweji 8

Shi ubetana na muntu ukokeja kunena’mba: “Bavule pamo bwa abe kebavubilwe myanda ya bubela. Lelo nobe kebakuvubile’yo? [Muleke alondolole.] Bible uleta madingi mayampe akwasha boba bonso bavubilwa myanda ya bubela. Kadi dilombola ne muswelo otukokeja netu kuleka kubaba bakwetu.” Mulombole kishinte kishilula pa paje wa 12, ne kutanga kisonekwa nansha kimo kidi mu kishinte.

Kiteba kya Mulami 1 Kweji 9

“Bantu bavule bamwene amba ‘Kipwanino kya Kala’ kidi’tu na mānga bitupu. Ino beipangulanga shi kidi na bukwashi ku batwe ba dyalelo. Ulanga’po namani? [Muleke alondolole. Kupwa tanga Loma 15:4.] Uno mulami ulombola amba ‘Kipwanino kya Kala’ kidi na madingi a kamweno mu būmi bwa difuku ne difuku ne lukulupilo lwa mu mafuku a kumeso.”

Réveillez-vous ! Kweji 9

“Ulanga Leza ye uletanga bimpengele bya ntanda? [Muleke alondolole. Kupwa tanga Kupituluka 32:4.] Uno Réveillez-vous ! ubandaula mwanda waka Leza ulekanga bimpengele bilongeka. Kadi ulombola muswelo okokeja kukinga kisaka kyobe.”