Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 2

“Le ulanga’mba Leza utejanga milombelo yonso? [Muleke alondolole.] Tala byānenene Yesu pa uno mwanda. [Tanga Mateo 6:7.] Kino Kiteba kya Mulami kisangaja kileta malondololo a mu Bible ku bipangujo biná bipangulwanga divule pa milombelo.” Wisambile pa kishinte kidi pa paje 16.

Réveillez-vous ! Kweji 2

“Bavule balañanga amba byonso bitufikila i bitutungilwe kala. Le abe ulanga’po namani? [Muleke alondolole.] Mungya uno vese, tudi na bwanapabo bwa kutonga. [Tanga Kupituluka 30:19.] Uno Réveillez-vous ! ushintulula byobya binena Bible pa lufundijo lwa kitungo.” Wisambile pa kishinte kishilula pa paje 12.

Kiteba kya Mulami 1 Kweji 4

“Molangila bintu byonso bilongeka mu būmi bwetu byādi kala bitutungilwe kitungo? [Muleke alondolole.] Ivwana binena Bible pa uno mwanda. [Tanga Musapudi 9:11.] Kino Kiteba kya Mulami kishintulula amba nansha Leza byālaile ino ntanda amba ikekala miyampe, inoko ulekele umo ne umo atonge kwiendeja mwasakila.”

Réveillez-vous ! Kweji 3

“Bantu bavule basusukanga mu milangwe pa mwanda wa lupeto, nakampata mu ano mafuku akoma kusokola lupeto. Le kumwenepo amba i bya bine? [Muleke alondolole.] Ivwana ano madingi mayampe. [Tanga 1 Temote 6:8, 10.] Uno Réveillez-vous ! wisambila pa misoñanya imoimo ya mu Bible iketukwasha twingidije lupeto lwetu mu muswelo witupa ndoe ya mutyima.”