Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 3

Tanga Divilu 20:15. Kupwa nena’mba: “Bantu bavule balondanga luno lubila, ino bamo balañanga amba kwiba ne miswelo mikwabo ya budimbidimbi bikokeja kwitabijibwa mungya ngikadilo mikomo yobadi’mo. Abe nobe ulanga’po namani? [Muleke alondolole.] Kino Kiteba kya Mulami kisambila pa kamweno kadi mu kwikala bambulwa budimbidimbi.” Mulombole kishinte kidi pa paje 12.

Réveillez-vous ! Kweji 3

“Bantu bavule balēmekele Bible ino banena’mba, myanda mivule idi’mo keidipo na mvubu mikatampe mu ntanda ya dyalelo. Le ulanga’po namani? [Muleke alondolole. Kupwa tanga Loma 15:4.] Uno Réveillez-vous ! ushintulula mwanda waka ne bipindi bya Bible bya kalakala kene bikidi na kamweno.” Mulombole kishinte kidi pa paje 28.

Kiteba kya Mulami 1 Kweji 4

“Shi wipangula kuyuka muntu mutumbe mu mānga ushintyile būmi bwa bantu, bavule bakatela Yesu. Lelo abe utela ani? [Muleke alondolole.] Tala kine kinenenwa’mba muntu usaka kuyuka wa kutela, ufwaninwe bidi kwifunda bubinebine butala padi. [Tanga Yoano 17:3.] Ino mimelo ya pa bula ya Kiteba kya Mulami ilombola byobya binena Bible padi Yesu ne pa bufundiji bwandi.”

Réveillez-vous ! Kweji 4

“Bimweka amba ketudipo na kitatyi kivule kya kulonga byonso byotusaka kulonga. Le nobe ye molangila? [Muleke alondolole.] Bavule bamonanga ano madingi bu akwasha. [Tanga Fidipai 1:10.] Uno Réveillez-vous ! uleta madingi etukwasha twingidije kitatyi kyetu senene.”