Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 3

“Bikokeja kukoleja bininge kulonga byoloke shi bantu betuningila kulonga bibi. Molangila le i bika biketukwasha tuleke kuponena mu kino kyaka? [Muleke alondolole. Kupwa tanga Nkindi 29:25.] Kino Kiteba kya Mulami kiyampe kishintulula senene bubinga butano botutyinina kufityija mutyima wa Leza kupita’ko muntu.” Wisambile pa kishinte kidi pa paje 12.

Réveillez-vous ! Kweji 3

“Muntu yense usakanga kwikala na balunda bayampe. Lelo abe usakanga mulunda wa ngikadila’ka? [Muleke alondolole.] Tala munenena Bible pano. [Tanga Nkindi 17:17.] Mu uno Réveillez-vous ! mutanwa madingi a mwa kutongela balunda bayampe ne mwa kwikadila mulunda mulumbuluke ku bakwenu.” Wisambile pa kishinte kishilwila pa paje 18.

Kiteba kya Mulami 1 Kweji 4

“Nsaka kuyuka byolanga pa bino binenwa byānene Yesu. [Tanga Yoano 3:⁠3.] Molangila le kubutulwa dipya, kushintulula bika? [Muleke alondolole.] Kwivwanija senene byashintulwile’po Yesu kukashinta būmi bwetu ne pa byotutengele mu mafuku a kumeso. Kino Kiteba kya Mulami kileta bubinga.”

Réveillez-vous ! Kweji 4

“Bana ba masomo bavule bekalanga basusuka na milangwe. Le molangila i bishile na kitatyi kyadi kifunda babo bambutwile? [Muleke alondolole.] Masusu a milangwe mipitepite keo kufikija muntu kubi. [Tanga Musapudi 7:7a.] Uno Réveillez-vous ! wisambila pa muswelo ukokeja batame kukwasha bana mu uno mwanda.”