Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 2

“Bantu bavule badi mu bipwilo bishileshile. Molangila, lelo butongi bwetu bwa kutōta mu kipwilo kampanda budi na mwanda ku meso a Leza? [Muleke alondolole. Kupwa tanga Mateo 15:9.] Kino Kiteba kya Mulami kibandaula bintu biná byālombwele Yesu bya kuyukila’ko mutōtelo wa bine.” Wisambile pa kishinte kidi pa paje 16.

Réveillez-vous ! Kweji 2

“Bantu bamo betabije Mupangi, ino bakwabo nabo balanga amba kwitabija kekukwatañenepo na sianse ne i kwampikwa kwendela’mo. Le nobe ulanga’po namani? [Muleke alondolole.] Mungya Bible, kwitabija kwa binebine kwimanine pa kuyukidila. [Tanga Bahebelu 11:1.] Uno Réveillez-vous ! wisambila pa myanda itala Umpangi yotufwaninwe kuyuka.” Wisambile pa kishinte kidi pa paje 22.

Kiteba kya Mulami 1 Kweji 3

“Lelo umonanga Bible bu Kinenwa kya Leza’ni nansha umumonanga bu dibuku diyampe bitupu? [Muleke alondolole.] Tala binena Bible mwine. [Tanga 2 Temote 3:16, 17.] Dino dipepala disambila pa muswelo wa kukwata butyibi buyampe pa uno mwanda ne kyobwikadile na kamweno.”

Réveillez-vous ! Kweji 3

“Padi nobe usangelanga buya bwa bupangi pamo na mwibusangelanga bantu bavule. Le nobe witabije amba bupangi bulombola ñeni ya mwine wāpangile bintu? [Muleke alondolole. Kupwa tanga Mitōto 104:24.] Dino dipepala ditela bimfwa bya busendwe butanwa mu bupangi, kadi disambila pa ñeni yotukokeja kuboila’ko.”