Kisonekwa kya Difuku Kekikabandaulwapo Monka ku Kupwila kwa Kwenda mu Mingilo ya Budimi

Mafuku kunyuma, ku kupwila kwa kwenda mu mingilo ya budimi kwadi padi kwisambilwa mu kīpi pa kisonekwa kya difuku shi kikwatañene na mwingilo wa busapudi. Pano bibashinta. Kabuku Tubandaulei Bisonekwa Difuku ne Difuku kekakengidijibwapo monka bu pa kwimanina mwisambo ku kupwila kwa kwenda mu mingilo. Enka na mobyadi bikadile kala, bendeji bakengidija Bible, Mwingilo wetu wa Bulopwe, dibuku Masomo a Mwingilo, dibuku Comment raisonner ne myanda mikwabo ikwatañene na mwingilo. Boba bapelwe mwingilo wa kwendeja, bafwaninwe kwiteakanya mwa kwisambila myanda mipotoloke mwanda wa kukwasha boba bakwenda mu mwingilo mu dine difuku’dya. Bula bwa kitatyi kya kupwila bufwaninwe kwikala bwa minite 10 kutūla ku 15, ne kufwaninwe kwikala kwīpi shi i kwilonde na kupwila kwa pa kipwilo, enka na mobikadilanga kala.