Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 1 Kweji 2

“Le ulanga, bibwanika bine kuyuka mwikadile Leza? [Muleke alondolole.] Ngidi ne kintu kisangaja pa uno mwanda.” Tanga ne kwisambila pa myanda idi munshi mwa kipangujo 2 pa paje 16 ne kisonekwa kimo pa bisonekwa bitelelwe’mo. Mupe mapepala, ne kumulaya mwiye mwisambile pa myanda idi munshi mwa kipangujo kya busatu.

Réveillez-vous ! Kweji 2

“Bible byadi i dibuku dya kala, bamo balañanga amba kakwatañenepo na myanda ya sianse. Le abe nobe ulanga’po namani? [Muleke alondolole.] Bantu bavule batulumukanga pa bino binena Bible. [Tanga Isaya 40:22.] Kishinte kishilula pa paje 22 kileta malondololo ku kipangujo kya amba, Le sianse ne Bible i bikwatañane?”

Kiteba kya Mulami 1 Kweji 3

“Batumoni ba Yehova bayukene pa mwanda wa busapudi bwabo. Lelo kashā kweipangwile kine kyotwingidila uno mwingilo? [Muleke alondolole.] Ivwana buno bushintuludi. [Tanga Mateo 24:14.] Dino dipepala dileta malondololo ku bipangujo pamo bwa bino: Lelo ino myanda miyampe i myanda’ka? Le Bulopwe i bika? Ne mfulo isa kufika i mfulo’ka?”

Réveillez-vous ! Kweji 3

“Nansha bavule byobaponenwa na misongo, ino batwe tusapulanga uno vese ukankamika. [Tanga Isaya 33:24.] Kitatyi kikafikidila kino, molangila būmi bukekala bwishile namani na buno? [Muleke alondolole.] Kumeso kwa Leza kuleta kuno kushinta, kudi matabula makatampe otukokeja kutabula batwe bonso pa kulumbulula bukomo bwetu bwa ngitu. Dino dipepala dilombola’o.”