Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 6

“Batwe bonso ketudi bafwilwe ba mu kisaka nansha balunda. Lelo ukulupile kukemona nabo monka? [Muleke alondolole.] Tala uno mulangwe usenga.” Tanga ne kwisambila pa myanda idi pa kamutwe ka mwanda kabajinji kadi pa paje 16 mu Kiteba kya Mulami kya difuku 1 Kweji 6, ne kisonekwa kimo pa bitelelwe. Mupe mapepala, ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 6

“Bantu bavule bekondanga pa kumona twa kwikwasha nato, bamo nabo i babulwe’nka ne bisakibwa bya mu būmi. Le ulanga amba kudi ne kitatyi kekikekala’kopo mulanda? [Muleke alondolole. Kupwa tanga Mitōto 9:18.] Kino Kiteba kya Mulami kilombola patōka kine kikadile’ko bulanda ne byobya binena Bible pa mukapwila uno mwanda.”

Réveillez-vous ! Kweji 6

“Butumbula i makambakano adi konsokonso. Ulanga i bika bilengeje’bo? [Muleke alondolole.] Bino binenwa bya Bible bitupa kikulupiji. [Tanga Mitōto 72:7, 14.] Uno Réveillez-vous ! ushintulula bubinga bumo bwikadile’ko butumbula kadi ulombola bine binena Bible pa muswelo ne kitatyi kyo bukapwa.”