Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 6

Tanga Isaya 42:8. Kupwa nena’mba: “Mungya byanenwa pano, Leza udi na dijina. Le ulanga kidi na kamweno kwingidija dijina dya Leza? [Muleke alondolole.] Tala binenenwe pano.” Tambika mwisambi nobe Kiteba kya Mulami kya 1 Kweji 6, ne kubandaula nandi pamo myanda idi munshi mwa kamutwe ka mwanda kabajinji kadi pa paje 16. Mupe mapepala, ne kwilaya mwiye mwisambile pa kipangujo kilonda’ko.

Kiteba kya Mulami 1 Kweji 6

“Nadi nsaka kukwipangula molangila pa uno mwanda. [Pūtula pa paje 3, ne kufunka mulongo udi’po.] I kyepi kilombola muswelo omona Bible? [Muleke alondolole.] Tala mwīnenena Bible. [Tanga Loma 15:4.] Kino Kiteba kya Mulami kīsambila pa bubinga butano bulengeja Bible ekale bu dibuku dya pa bula kadi kilombola muswelo otubwanya kumwena’mo.”

Réveillez-vous ! Kweji 6

“Mwaka ne mwaka bantu bavule kujokoloka ntanda babelanga mwanda wa bidibwa byampikwa kufwaninwa. Molangila, le bidibwa bya mu kibundi kyetu bidi namani? [Muleke alondolole.] Uno Réveillez-vous ! ulombola miswelo iná yotukokeja kukinga kisaka kyetu ku misongo itamba ku bidibwa bibi. Kadi wisambila ne pa mulao ulaile Bible amba panopano ponka muntu ne muntu ukekala na bidibwa bivule kadi bileta bumeni.” Tanga Mitōto 104:14, 15.