Misapwilo ya Kulondela’po
(Shi ubamone amba nimelo īsambilwa’po keidipo mu Kiluba, nankyo tala mu Falanse)
Mwa Kushilwila Bifundwa bya Bible mu Dya Mposo Dibajinji dya Kweji 5
“Le nobe kodi mwiipangule mwanda waka Leza ulekele bibi ne masusu? [Muleke alondolole] Nsaka nkulombole kintu kimo kisangaja pa uno mwanda.” Tangai pamo myanda idi munshi mwa kamutwe ka mwanda kabajinji kadi pa paje 16 wa Kiteba kya Mulami kya difuku 1 Kweji 5 ne kisonekwa kimo mu bitelelwe. Mupe mapepala, ne kukwata mpangiko ya kumujokela mubandaule kipangujo kilonda’ko.
Kiteba kya Mulami 1 Kweji 5
Tanga Mitōto 37:10, 11. Kupwa nena’mba: “Le ulanga’mba tusa kumona kufikidila kwa uno mulao panopano? [Muleke alondolole.] Dino dipepala dinenena pa bupolofeto bwa mu Bible busamba bufikidila tamba’nka pano, bulombola amba kufikidila kwa uno mulao kekudi mu bisuku.”
Réveillez-vous ! Kweji 5
“Bamo banenanga’mba bantu i batambe ku banyema. Le nobe ulanga’po namani? [Muleke alondolole. Kupwa tanga Mitōto 139:14.] Bine mulembi wa mitōto kādipo uyukile myanda yonso ya kutendelwa itala mubidi wa muntu. Dino dipepala disambila pa bintu byotuyukile pano, ne byobya bilengeja twishile na banyema.