Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 5

“Le momwena bipwilo byo bileta buswe ne ndoe’ni nansha biletanga mushikwa ne bukalabale? [Muleke alondolole.] Leka nkulombole kintu kisangaja pa uno mwanda.” Mutambike Kiteba kya Mulami kya Difuku 1 Kweji 5 ne kubandaula nandi kamutwe ka mwanda kabajinji kadi pa paje 16 ne kutanga nandi kisonekwa nansha kimo. Mupe dipepala ne kwilaya difuku dya kwisambila pa kipangujo kikwabo.

Kiteba kya Mulami 1 Kweji 5

“Bavule bakulupile amba kebibipo shi kipwilo kikujije mu politike, koku bangi nabo amba kipwilo ne politike bifwaninwe kwingidila pamo. Le abe ulanga’po namani? [Muleke alondolole.] Tala byālongele Yesu kitatyi kyādi ke kisake bantu kumutweja mu myanda ya politike mu oa abo mafuku. [Tanga Yoano 6:15.] Kino Kiteba kya Mulami kilombola mwanda waka Yesu wālongele nabya, kadi kilombola ne muswelo muyampe ukokeja Bene Kidishitu kukwasha bantu.”

Réveillez-vous ! Kweji 5

“Kisengele bantu bonso botwisamba nabo banene amba balongēlwe bintu na bukondame kyaba kimokimo. Le ulanga kudi muswelo wa kupwa’bo? [Muleke alondolole.] Tala buno bupolofeto bwisambila pa mulopwe umo ukapwija bukondame. [Tanga Mitōto 72:11-14.] Uno Réveillez-vous ! ulombola bintu bilaile Bible bisa kulongeka’nka panō.”