Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu dya Mposo Dibajinji dya Kweji 4

“Lubatyijo i kilongwa kilongwa ku Bene Kidishitu bavule. Nobe ulanga’po namani? Le lubatyijo ludi na mvubu? [Muleke alondolole.] Dino dipepala dinena’po myanda imoimo ya mvubu.” Mutambike mwisambi nobe Kiteba kya Mulami kya difuku 1 Kweji 4, ne kubandaula nandi myanda idi pa kamutwe ka mwanda kadi pa paje 16, kupwa mutangile kisonekwa nansha kimo. Mupe dipepala ne kwilaya kukesambila pa kipangujo kikwabo.

Kiteba kya Mulami  1 Kweji 4

“Bantu badi na milangwe mivule padi Yesu. Bangi balanga amba i Meshiasa wālailwe. Bakwabo nabo amba wādi’tu muntu muyampe. Kadi aba nabo amba kādi’kopo. Le nobe ulanga po namani? [Muleke alondolole.] Kukwatañana na Bible, i kintu kya mvubu kuyuka bubinebine butala padi aye. [Tanga Yoano 17:3.] Kino Kiteba kileta malondololo ku bipangujo bipangulanga bavule padi Yesu.”

Réveillez-vous ! Kweji 4

“Tubaiya kwimupempula byotudi na mwingilo wa kukwasha bisaka. Lelo witabije amba bisaka dyalelo bitanwanga na makambakano? [Muleke alondolole.] Tala kwatene bisaka bivule madingi mayampe. [Tanga Mitōto 119:105.] Uno Réveillez-vous ! ulombola muswelo wabwenye bisaka bilelelwe na mbutwile umo kunekenya makambakano abyo na kulonda misoñanya ya mu Bible.”