Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 4

“Tukankamikanga bakwetu batange Bible wabo. Ino bantu bavule bamonanga’mba Bible i mukomo kwivwana. Le nobe ye momwenananga? [Muleke alondolole.] Tala binenwe pano.” Mulombole kibalu kya pa nyuma kya Kiteba kya Mulami kya 1 Kweji 4, mubandaule nandi pamo myanda idi munshi mwa kipangujo kibajinji kadi mutange nandi ne kisonekwa nansha’tu kimo mu bitelelwe. Mushile mapepala, mwilaye nandi difuku dya kujoka mwanda wa kubandaula kipangujo kilonda’ko.

Kiteba kya Mulami 1 Kweji 4

“Muntu ne muntu otwisamba nandi witulombolanga bu ulwanga na makambakano. Makambakano alengejanga bantu bamone’mba būmi kebudipo na kitungo. Le udi na milangwe’ka pa makambakano makomo afikila bantu dyalelo? [Muleke alondolole.] Bible ulaya’mba, panopano ponka Leza usakupwija makambakano otwikonda nao dyalelo. [Tanga Kusokwelwa 21:4.] Kino Kiteba kya Mulami kilombola musaka kwikadila būmi kumeso’ku, kadi ne motukokeja kulumbulwila būmi bwetu tamba’nka pano.”

Réveillez-vous ! Kweji 4

“Kujokoloka ntanda yonso mu bisaka bivule i muyule bukalabale. Bamo banena’mba, kino kitambanga ku bibidiji bya bantu, mutamine bantu mu kisaka nansha ku kwipwija mukose kukankamika bukalabale. Molangila bukalabale bwa mu kisaka butambanga kwepi? [Muleke alondolole.] Bible ulombola’mba ba mulume ne mukaji bakokeja kwikala mu kipwano kilumbuluke. [Tanga Efisesa 5:33.] Uno Réveillez-vous ! ulombola muswelo kwingidija misoñanya ya mu Bible mo kwalamine masongi amoamo.”