Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 11

“Bavule motudi babilanga kwikala mu umbikalo muyampe. Molangila, le i umbikalo wa muswelo’ka ukabwanya kupwija myanda ya bantu? [Muleke alondolole.] Tala bidi binenwe pano.” Tambika mwisambi nobe Kiteba kya Mulami kya difuku 1 Kweji 11, ne kubandaula nandi myanda idi mu kamutwe ka mwanda kabajinji kadi pa paje 16 ne kutanga nandi kisonekwa nansha kimo. Mushile mapepala, kupwa mulaye difuku dya kwitana nandi mwanda wa kwisambila pa kipangujo kilonda’ko.

Kiteba kya Mulami 1 Kweji 11

“Tukasangela kuyuka molangila pa uno mwanda. Shi wadi ubwanya kwipangula Leza kipangujo kampanda, le wadi wakumwipangula kipangujo’ka? [Muleke alondolole.] Enka na mwānenene’kyo Yesu, i biyampe tukimbe malondololo ku bipangujo byetu byampikwa budimbidimbi. [Tanga Mateo 7:7.] Dino dipepala dileta malondololo a Bible ku bino bipangujo bisatu bya mvubu.” Lombola mwisambi nobe bipangujo bidi unshi kwa paje 3.

Réveillez-vous ! Kweji 11

“Tubaiya kwimupempula dyalelo byotudi na mwingilo wa kukwasha bisaka. Bisaka bya bambutwile balela bana kasukwa bibavula mpata. Le ulanga amba bino bisaka bidi na makambakano mavule kupita byobya bilelwa na bambutwile bonso babidi? [Muleke alondolole.] Bambutwile bavule ibatane madingi mayampe mu Bible. [Tanga 2 Temote 3:16.] Uno Révéillez-vous ! ulombola myanda imo-imo ikakwasha bambutwile balela bana kasukwa banekenye mu uno mwingilo mukomo obengila.”