Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 11

“Molangila, bantu balonga bukomo bwa kukokela Leza badi na nsangaji? [Muleke alondolole.] Kino Kiteba kya Mulami kisambila pa myanda imoimo isangaja.” Tambika mwine njibo Kiteba kya Mulami kya difuku 1 Kweji 11, ebiya tanga ne kwisambila nandi pa myanda idi pa kamutwe ka mwanda kadi pa paje 16-17. Tanga dibajinji kisonekwa kimo pa bitelelwe. Mupe mapepala, ne kumulaya mwiye mwisambile pa kipangujo kilonda’ko.

Kiteba kya Mulami Kweji 11

“Bamo baloñanga’mba binena Bible pa buladi i myanda’tu ya pa kalā kadi mikutakane yampikwa buluji. Bakwabo betabije Bible. Le nobe ulanga’po namani? [Muleke alondolole.] Tala binena kino kisonekwa pa nsulo ya misoñanya ya mu Bible. [Tanga 2 Temote 3:16.] Kino Kiteba kya Mulami kilombola muswelo ulondolola Bible ku bipangujo dikumi bivudile kwipangulwa bitala pa buladi. Kadi kishintulula ne muswelo otumwena mu misoñanya ya mu Bible.”

Réveillez-vous ! Kweji 11

“Shi tubandile meso sō diulu ne ntanda bitujokolokele, le ulanga tukafula ku kunena bika—ku kunena’mba kudi webipangile’ni nansha amba bintu byonso byeikadile’ko abyo bine? [Muleke alondolole.] Tala mwāfudile kunena mulembi umo wa Bible kitatyi kyaābandile diulu ne ntanda. [Tanga Loma 1:20.] Uno Réveillez-vous ! ulombola byobya bisokwele befundi ba sianse pa mwanda utala tuseke tudi mu umbidi wa muntu twine tulombwelwe patōka mu ino nimelo.”