Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 8

“Bantu badi mu bipwilo palapala kadi batōtanga Leza mu miswelo mivule mishileshile. Molangila Leza wibimonanga namani? [Muleke alondolole.] Tala byāfundije Yesu pa uno mwanda.” Mutambike Kiteba kya Mulami kya 1 Kweji 8 ne kubandawila pamo myanda idi munshi mwa kamutwe ka mwanda kabajinji kadi pa paje 16 ne kisonekwa kimo mu bitelelwe. Mupe mapepala, ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 8

“Lelo bana bafwaninwe kufundijibwa myanda ya Leza pobakidi bankasampe’ni, nansha i biyampe kukungila’ko bidi shi abatama ne kwibaleka batonge abo bene kipwilo kya nkulupilo yobasaka? [Muleke alondolole.] Tala bufundiji bwa Bible pa binenwe kulonga bashabana. [Tanga Efisesa 6:4.] Kino Kiteba kya Mulami kileta manwa pa muswelo ukokeja bambutwile kufundija babo bana myanda ya Leza.”

Réveillez-vous ! Kweji 8

“Nkimba kuyuka molangila pa uno vese. [Tanga 1 Samwele 16:23.] Mungya uno vese, buimba budi na bukomo. Molangila, bibwanika ñimbo imo kwikala’yo na lupusa lubi? [Muleke alondolole.] Uno Réveillez-vous ! wisambila pa muswelo otubwanya kutonga ñimbo na tunangu ne muswelo otukokeja kukwasha betu bana nabo balongele monka.”