Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 8

“Dyalelo bantu bamwene Yesu na mwaādi wikadile myaka tununu tubidi kunyuma, bamo amba i mwana wa lukeke udi mu kidīlo, bakwabo amba i muntu mupopwe pa mutyi. Ino molangila, i bika bilonga Yesu dyalelo? [Muleke alondolole.] Tala byobanena pano.” Tambika mwisambi nobe Kiteba kya Mulami kya 1 Kweji 8, ne kubandaula nandi myanda idi pa kamutwe kamwanda kabajinji kadi pa paje 16 ne kutanga kisonekwa nansha’tu kimo. Mushile dipepala ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 8

“Bantu bavule bakulupile mu bingelengele. Bangi nabo bapela’byo. Molangila, le bingelengele bikalanga’ko bine? [Muleke alondolole.] Uno mulao utala bingelengele bikalongeka kumeso i mupe bantu lukulupilo. [Tanga kisonekwa kimo pa byobya bidi pa paje 9-10.] Kino Kiteba kya Mulami kilondolola bipangujo bisatu biipangula bantu pa mwanda utala bingelengele.”

Réveillez-vous ! Kweji 8

“Mu ano etu mafuku, bavule badi na moyo wa kunanga bunka, nakampata mu fukutu. Le ulanga kudi kintu kyotukokeja kulonga mwa kupwijija bukalabale mu ino ntanda? [Muleke alondolole.] Uno Réveillez-vous ! wisambila pa bintu byotukokeja kulonga batwe bonso mwanda wa kwikala mu ndoe na bakwetu. Kadi ulombola musa kufikidila buno bupolofeto bukankamika.” Tanga Mitōto 72:7.