Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 8

“Kubwipi kwa bantu bonso balombelanga mu kyaba kimokimo. Enka ne bantu batuna kwikala’ko kwa Leza balombelanga mu kitatyi kya makambakano. Le ulanga Leza wivwananga milombelo yonso?” Muleke alondolole. Mulombole kibalu kya pa nyuma kya Kiteba kya Mulami kya 1 Kweji 8, ne kubandaula nandi myanda idi munshi mwa kipangujo kibajinji ne kisonekwa kimo pa bitelelwe. Mupe mapepala ne kumulaya mwiye mwisambile pa kipangujo kilonda’ko.

Ta mutyima: Ukalongeja kyakumwena’ko kya uno musapwilo ku kupwila kwa kwenda mu mwingilo kwa mu 3 Kweji 8.

Kiteba kya Mulami 1 Kweji 8

“Tupempulanga bantu mu kitatyi’tu kityetye mwanda bavule batulumukanga pa muswelo wasambakana bifwatulo bya bantu badi mutaka ntanda yonso. Ino bakwabo bavule nabo bamona amba kwibitala i kwipwija mukose kuyampe. Le abe nobe ulanga’po namani? [Muleke alondolole.] Yesu wānene amba, tubwanya kuyuka kintu kiyampe kupityila ku bipa byakyo. [Tanga Mateo 7:17.] Dino dipepala disambila pa bipa bilupuka ku kutala bifwatulo bya bantu badi mutaka. Kadi ditulombola miswelo miyampe ya mwa kwinyongolwela ku kutala bifwatulo bya bantu badi mutaka.”

Réveillez-vous ! Kweji 8

“Batwe bonso tusakanga kwikala’ko nyeke. Le ulanga, kwendelela kwa sianse kukakwasha bantu difuku dimo bekale’ko nyeke? [Muleke alondolole.] Tala uno mulao utenga mutyima. [Tanga 1 Kodinda 15:26.] Ino Leza ukafikidija uno mulao namani—kupityila ku sianse’ni nansha ku kintu kikwabo? Mwanda waka tununupa ne kufwa? Dino dipepala dilombola malondololo aleta Bible ku bino bipangujo.”