Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 7

“Bantu bavule bapitulukanga mu bino binenwa bidi mu Lulombelo lwa Mfumwetu bya amba: ‘Bulopwe bobe bufike. Muswidile mutyima obe mūlu ne pano pa ntanda pene i monka.’ Molangila buno Bulopwe i bika? [Muleke alondolole.] Uno vese wa mu Bible witupa malondololo.” Tanga Danyele 2:44. Kupwa tambika mwinē njibo Kiteba kya Mulami kya difuku 1 Kweji 7 ebiya tanga ne kwisambila pa myanda idi pa kamutwe ka mwanda kabajinji kadi pa paje 16. Mupe mapepala, ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 7

“Pa mwanda wa buno būmi bwīpi kadi buyule makambakano, bavule beipangulanga buluji bwine bwikadile’ko būmi. Lelo nobe kodi mwiipangule uno muswelo? [Muleke alondolole.] Bible ulaile amba būmi kebukekalapo nyeke uno muswelo. [Tanga Kusokwelwa 21:4.] Kino Kiteba kya Mulami kisambila pa mpango ya Leza itala ntanda kadi kileta mulongo wa bintu byotukokeja kulonga pa kuyuka tamba’nka pano buluji bwine bwikadile’ko būmi.”

Réveillez-vous ! Kweji 7

Tela’ko kinkumbulu kimo kitelelwe mu misapu ya panopano. Kupwa ipangula’mba: “Molangila, mwanda waka Leza ulekele bino bintu bilongeka? [Muleke alondolole.] Mungya Bible, Leza wivwaninanga lusa boba basusuka. [Tanga Divilu 3:7.] Kadi Bible witusapwila kine kilekele’ko Leza masusu, ne kadi amba panopano ponka usa kupwa’o lonso. Uno Réveillez-vous ! ushintulula’kyo.”