Misapwilo ya Kulondela’po
Mwa Kushilwila Bifundwa bya Bible mu Dya Mposo Dibajinji dya Kweji 7
“Kubwipi kwa bantu bonso basakanga kwikala na būmi bulampe kadi bwa nsangaji. Ino tusaka kuyuka molangila pa kino kipangujo: Le ulanga bwifundi bwa sianse ne kiñanga, biketukwasha tukekale’ko nyeke difuku dimo? [Muleke alondolole.] Tala binenenwe pano.” Mulombole kibalu kya pa nyuma kya Kiteba kya Mulami kya 1 Kweji 1, ne kubandaula nandi myanda idi munshi mwa kipangujo kibajinji ne kisonekwa kimo pa bitelelwe. Mupe mapepala ne kumulaya mwiye mwisambile pa kipangujo kilonda’ko.
Ta mutyima: Longeja kya kumwena’ko kya uno musapwilo ku kupwila kwa kwenda mu busapudi kwa mu mafuku 6 Kweji 7.
Kiteba kya Mulami 1 Kweji 7
“Bantu bavule botwisamba nabo banenanga’mba badi na kyabo kipwilo. Ino bakwabo banena’mba kebakikulupilepo mu kipwilo nansha kimo. Le umonanga kipwilo namani? [Muleke alondolole.] Yesu wāletele musoñanya wa kwitukwasha kitatyi kyotubandaula kipwilo. [Tanga Luka 6:44a.] Dino dipepala disambila pa bipa bimo bibi bilupulwa na kipwilo. Kadi dilondolola kipangujo kya amba, le kudi kipwilo kampanda kifwaninwe kukulupilwa?”
Réveillez-vous ! Kweji 7
“Tupempulanga balondakani-netu mwanda wa kwisambila nabo pa mwanda ukambakanya mpata—ke bukondame kadi. Bantu bamo balwanga na kupela bukondame. Le ulanga bantu bapela bukondame babwanya kuleta kushinta? [Muleke alondolole.] Tala byobya binena Bible bikaleta kushinta kwa binebine kwa ino ntanda. [Tanga Mateo 6:9, 10.] Dino dipepala dilondolola kipangujo kya amba, le kupela bukondame kukaleta kushinta?”
Myanda Miyampe Itamba Kudi Leza!
“Tupempulanga bisaka bya mu kino kyenu kipito mwanda wa kwisambila nabyo pa mulangwe ukankamika wa mu Bible. Bavule botwesamba nabo beipangulanga kine kilekele’ko Leza wa buswe masusu mavule pano pa ntanda. Le ulanga masusu ādi mu mpango mibajinjibajinji ya Leza itala ino ntanda?” Muleke alondolole. Kupwa pūtula pa kifundwa 5, kadi tanga ne kwisambila pa misango ibidi mibajinji ne bisonekwa bisendeke. Mupe boloshile ne kumulaya mwiye mwisambile pa kipangujo kityite kilonda’ko.