Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 9

“Bantu ba mizo ne ngitabijo palapala balombelanga difuku ne difuku. Le ulanga’mba Leza wivwanga milombelo yonso ne kulondolola’yo? Muleke alondolole. Kupwa mutambike Kiteba kya Mulami kya 1 Kweji 9 ne kubandaula pamo myanda idi munshi mwa kamutwe ka mwanda kabajinji kadi pa paje 16 ne kisonekwa kimo mu bitelelwe. Mupe mapepala ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 9

Mulombole kibalu kya dipepala, kupwa nena’mba: “Le ukalondolola namani kino kipangujo? [Muleke alondolole.] Tala binena Bible. [Tanga 1 Yoano 5:19.] Kukwatañana na kino kisonekwa, “umbi,” ko kunena’mba Dyabola, ye uludika ntanda. Ino kino kibaleta bipangujo na bino: Le Dyabola wātambile kwepi? Le i muntu udi’ko bine? Lelo Leza ukamuleka aludike kufika ne kitatyi’ka? Dino dipepala dilombola bine binena Bible pa ino myanda.”

Réveillez-vous! Kweji 9

“Bantu bavule dyalelo i batyinibwe mbavu pa mwanda wa makambakano a lupeto. Molangila, mwanda waka i bikomo kusokola twa kwikwasha nato? [Muleke alondolole.] Mu Bible mudi binenwa bya tunangu byakweshe bavule bengidije biyampe misokwe yabo. [Tanga kisonekwa kimo mu byobya bidi pa paje 8-9.] Dino dipepala dileta madingi a kamweno ku boba bekonda na mapu.”