Lelo Wifundanga Bufundiji Bonso bwa Yehova?

1. Yehova umwene bufundiji namani?

¹ Yehova ‘Mufundiji Mukatampe’ wetu, witusakilanga tufundijibwe. (Is. 30:20) Wāshilwile kufundija pa kupwa kupanga wandi Mwana umbedi. (Yoa. 8:28) Adama pa kupwa kutomboka, Yehova kalekelepo kufundija, ino wāfundije na buswe bantu bakubulwa kubwaninina.—Is. 48:17, 18; 2 Tem. 3:14, 15.

2. Lelo i mpangiko’ka ya bufundiji idi’ko?

² Dyalelo, Yehova wendejanga mpangiko mikatampe ya bufundiji mu manga. Enka na mwāfumikile Isaya, midyo ya bantu kujokoloka ntanda yonso bapungulukilanga ku “lūlu lwa njibo ya Yehova” lwa kyelekejo. (Is. 2:2) Mwanda waka bapungulukilanga’ko? Mwanda wa kufundijibwa mashinda a Leza, ke kufundijibwa na Yehova kadi! (Is. 2:3) Mu mwaka wa mingilo wa 2010, Batumoni ba Yehova bapityije mansaa mudiyala 1 ne midiyo 6 ne kupita mu kusapula ne kufundija bantu bubinebine bwa mu Bible. Kadi, bipwilo 105 000 ne kupita kujokoloka ntanda yonso bipebwanga yenga ne yenga bufundiji bwa ku mushipiditu, ne kadi umpika wa binebine udi na manwa ulupulanga mabuku a bufundiji a Bwine Kidishitu mu ndimi 500 ne kupita.

3. Le umwenanga namani mu bufundiji bupāna Yehova?

³ Mwena’mo ne pa Mfulo: Bine twi bamwene mu bufundiji bwa Leza! Twefundile amba Leza udi na dijina ne witutele mutyima. (Mit. 83:18; 1 Pet. 5:6, 7) Twefundile malondololo a bipangujo bimobimo bya mvubu mpata mu būmi: Mwanda waka bantu basusuka ne kufwa? I muswelo’ka ombwanya kusokola nsangaji ya binebine? Le būmi budi na kitungo’ka? Kadi Yehova i mwitupe bulombodi bwa mwa kwikadila bwitukwasha ‘tulongeje dishinda dyetu ke dilumbuluke.’—Yos. 1:8.

4. Lelo i mikenga’ka imo ya bufundiji idi na bengidi ba Leza, ne mwanda waka tufwaninwe kwifunda bufundiji bonso bwa Yehova?

⁴ Kadi, Yehova i mutule’ko bufundiji bwa pa bula bwa kukwasha bengidi bandi bavule batandabule mwingilo obamwingidila. Pa paje 4-6 padi mulongo wa mikenga idi na bamobamo. Nansha shi ngikadilo yotudi’mo itukankaja kutambula bufundi butelelwe, lelo tumwenanga ne pa mfulo mu bufundiji bwa Leza botufundijibwa? Lelo tukankamikanga bankasampe basoñanibwa na badimu ne bakwabo amba balondelonde masomo malamala a ino ntanda, pa kyaba kya kwitungila bitungo bya ku mushipiditu ne kulondalonda bufundiji bupityile bonso—bufundiji bwa Leza? Kwifunda bufundiji bonso bwa Yehova kuketukwasha twikale na nsangaji mu būmi bwa dyalelo ne bobwa bwiya kumeso.—Mit. 119:105; Yoa. 17:3.

Mpangiko Imoimo ya Bufundiji Itudile’ko Bulongolodi bwa Yehova

Masomo a Kufundija Kutanga

• Kitungo: Kufundija bantu kutanga ne kulemba mwanda wa bafikile pa kwifunda Bible ne kufundija bakwabo bubinebine.

• Bula: Kukwatañana na bisakibwa.

• Kifuko: Ku Njibo ya Bulopwe.

• Bakokeja Kufunda: Basapudi bonso ne bantu basangela.

• Mwa kulongela: Bakulumpe pa kipwilo bateakanyanga masomo a kutanga kukwatañana na bisakibwa bya kipwilo, ne kadi bakankamikanga bonso babwanya kumwena’mo batanwe’ko.

Masomo a Mwingilo wa Kiteokratike

• Kitungo: Kufundija basapudi bekale basapudi ne bafundiji ba myanda miyampe.

• Bula: Keadi mfulo.

• Kifuko: Ku Njibo ya Bulopwe.

• Babwanya Kwiandikija: Basapudi bonso. Ne bakwabo belungile na kipwilo, betabije bufundiji bwa Bible, kadi badi na būmi bukwatañene na misoñanya ya Bwine Kidishitu.

• Mwa kulongela: Kusapwila mutadi wa Masomo a Mwingilo wa Kiteokratike.

Masomo a Kwifunda Ludimi Lweni

• Kitungo: Kufundija basapudi mwa kusapwila myanda miyampe mu ludimi lweni.

• Bula: Myeji iná nansha itano. Divule dine masomo afundwanga Dya Mposo lubanga ne lubanga mu nsaa imo nansha mansaa abidi.

• Kifuko: Pavule pene i ku Njibo ya Bulopwe.

• Babwanya Kwiandikija: Basapudi batendelwa basaka kusapula mu ludimi lweni.

• Mwa kulongela: Masomo ateakanibwanga na bilo ya musambo mungya bisakibwa.

Lūbako lwa Mobo a Bulopwe

• Kitungo: Kubaka ne kulongolola Mobo a Bulopwe. Ano ke masomopo, inoko mu ino mpangiko, bengidi ba kwituma bafundijibwanga manwa palapala mwanda wa babwanye kukwasha ku mwingilo wa lūbako.

• Bula: Kukwatañana na ngikadilo idi’mo mwingidi wa kwituma.

• Kifuko: Ko-konso kudi Komite wa Lūbako lwa mu mwaba nansha ku Bilo ya itala lūbako lwa Mobo a Bulopwe. Bengidi bamo ba kwituma bakokeja kwitwa mwanda wa kwingila mu mwingilo mukatampe wa kukwasha ku bifuko bya kulampe biponenwe na bimpengele.

• Kubwanya Bisakibwa: Batutu ne bakaka bafwaninwe kwikala babatyijibwe ne kwitabijibwa na kitango kya bakulumpe. Babwanya kwikala ba bwino buvule nansha bakubulwa bwino.

• Mwa kulongela: Kudinga fomu Construction des Salles du Royaume — Questionnaire pour les volontaires (S-82) utumwanga na bakulumpe ba pa kipwilo nansha fomu wa mu Congo Demande d’admission dans l’ordre international des Serviteurs spéciaux à plein temps Témoin de Jéhovah en tant que Serviteur à la construction de Salles du Royaume (A-12) utumwanga na bilo ya musambo.

Masomo a Bapania

• Kitungo: Kukwasha bapania ‘bavuije mwingilo wabo ne pa mfulo.’—2 Tem. 4:5.

• Bula: Mayenga abidi.

• Kifuko: Kilombwelwe na bilo ya musambo; divule dine ku Njibo ya Bulopwe.

• Kubwanya Bisakibwa: Boba kebalonge mwaka umo mu bu pania wa lonso.

• Mwa Kwiadikijija: Bapania babwenye bisakibwa bandikwanga kala ne kusapwilwa na mutadi wabo wa kipindi.

Masomo a Batwela ku Betele

• Kitungo: Ano masomo i matulwe’ko mwanda wa kukwasha bapya babwanye mingilo yabo ya Betele.

• Bula: Nsaa imo yenga ne yenga mu bula bwa mayenga dikumi ne asamba.

• Kifuko: Betele.

• Kubwanya Bisakibwa: Kwikala lonso mu kisaka kya Betele nansha mwingidi wa kwituma wa mu kitatyi kampanda (mwaka ne kwenda kumeso).

• Mwa Kwiandikijija: Ba mu kisaka kya Betele bebandikanga kala.

Masomo a Mwingilo wa Bulopwe

• Kitungo: Kufundija bakulumpe ne bengidi ba mingilo mwa kuvuijija senene biselwa byabo mu bulongolodi. (Bil. 20:28) Ano masomo afundwanga kupwa kwa myaka mitye na mulombwedile Kitango Kyendeji.

• Bula: Mu ino myaka, bakulumpe bafundanga difuku dimo ne kipindi, bengidi ba mingilo nabo difuku dimo.

• Kifuko: Divule dine ku Njibo ya Bulopwe nansha ku Njibo ya Kubungakena’mo.

• Kubwanya Bisakibwa: Kwikala Bakulumpe nansha bengidi ba mingilo.

• Mwa kwiandikijija: Bakulumpe ne bengidi ba mingilo babwenye bisakibwa betwanga na mutadi wa kipindi.

Masomo a Bakulumpe pa Kipwiloa

• Kitungo: Kukwasha bakulumpe bavuije biselwa byabo mu kipwilo.

• Bula: Mafuku atano.

• Kifuko: Kitongelwe na bilo ya musambo; divule dine ku Njibo ya Bulopwe nansha ku Njibo ya Kubungakena’mo.

• Kubwanya Bisakibwa: Kwikala Mukulumpe.

• Mwa Kwiandikijija: Bakulumpe babwenye bisakibwa betwanga na bilo ya musambo.

Masomo a Batadi Bendakana ne Bakaji Babob

• Kitungo: Kukwasha Batadi ba bipindi ne ba distrike bakwashe bipwilo biyampe ne kwingila “mīngilo ya kusapula mwanda, ne kufundija” ne kukumba boba bobapelwe kulela.—1 Tem. 5:17; 1 Pet. 5:2, 3.

• Bula: Myeji ibidi.

• Kifuko: Kilombwelwe na bilo ya musambo.

• Kubwanya Bisakibwa: Kwikala mutadi wa kipindi nansha wa distrike.

• Mwa kwiandikijija: Batadi bendakana ne bakaji babo babwenye bisakibwa betwanga na bilo ya musambo.

Masomo a Bible a Bankungulumec

• Kitungo: Kuteakanya bakulumpe ne bengidi ba mingilo bampikwa kusonga mwanda wa kusela biselwa bya ntentekelo. Bonso badi na mapolome bakapebwa mwingilo wa kwingila kokwa kusakilwa bukwashi mu yabo ntanda. Batyetye kete babwanya kupebwa mingilo mu ntanda ingi shi abalombe abo bene.

• Bula: Myeji ibidi.

• Kifuko: Kitongelwe na bilo ya musambo; divule dine ku Njibo ya Bulopwe nansha ku Njibo ya Kubungakena’mo.

• Kubwanya Bisakibwa: Batutu bankungulume badi na myaka tamba ku 23 kutula ku 62 kadi badi na bukomo bwa ngitu buyampe, basaka kwingidila banabetu ne tumweno twa bulopwe konso kusakilwa bukwashi. (Mako 10:29, 30) Bafwaninwe kwingila nansha’tu myaka ibidi mu uno mwingilo.

• Mwa kulongela: Shi ano masomo asa kufundwa mu mwaba wa wenu musambo, Lenyo ya boba basangedile kwiandikija iloñwanga ku kubungakana kwa kipindi. Myanda mikwabo ilombolwanga ku ino lenyo.

Masomo a Bwifundi bwa Bible a Bene Kidishitu Besonged

• Kitungo: Kufundija besongele bufundiji bwa pa bula mwanda wa bengidijibwe ne pa mfulo na Yehova ne bulongolodi bwandi. Bonso badi na mapolome bakapebwa mwingilo wa kukwasha kokwa kusakilwa bukwashi mu ntanda yabo. Batyetye kete babwanya kupebwa mingilo mu ntanda ingi shi abalombe abo bene.

• Bula: Myeji ibidi.

• Kifuko: Masomo matyetye mabajinji alongelwe ku kitako kya bufundiji kya sosiete Watchtower mu Patterson, New York, U.S.A. Kupwa, ano masomo akalongelwa ku bifuko bitongelwe na bilo ya musambo, pavule pene ku Njibo ya Kubungakena’mo nansha ku Njibo ya Bulopwe.

• Kubwanya Bisakibwa: Besongele badi na myaka tamba ku 25 kutula ku 50 kadi badi na bukomo bwa ngitu buyampe, badi mu ngikadilo ibalengeja kwingila kokwa kusakilwa bukwashi ne kadi badi na mutyima wa kunena’mba: “Ami uno, ntume bidi.” (Is. 6:8) Kupityidila, bafwaninwe kwikala besonge ke papite myaka ibidi ne kulonga myaka ibidi mu mwingilo wa kitatyi kyonso pambulwa kutyiba.

• Mwa kulongela: Shi ano masomo asa kufundwa mu mwaba wa wenu musambo, Lenyo ya boba basangedile kwiandikija iloñwanga ku kubungakana kwa kipindi. Myanda mikwabo ilombolwanga ku ino lenyo.

Masomo a Ngileade a Bwifundi bwa Bible a Sosiete Watchtower

• Kitungo: Kufundija bapania ne bengidi bakwabo ba kitatyi kyonso mwa kwingidila mwingilo wa bu mishonele.

• Bula: Myeji itano.

• Kifuko: Kitako kya Bufundiji kya Sosiete Watchtower, Patterson, New York, U.S.A.

• Kubwanya Bisakibwa: Besongele babatyijibwe kepadi myaka isatu kadi badi na myaka tamba ku 21 kutula ku 38 kitatyi kyo batumine fomu mubajinji. Bayukile kunena Angele, besonge ke papite myaka ibidi ne kulonga myaka ibidi mu mwingilo wa kitatyi kyonso pambulwa kutyiba. Boba balomba kufunda bafwaninwe kwikala na bukomo bwa ngitu buyampe. Bapania bengila mu ntanda ya bweni (kubadila’mo ne bengila bu bamishonele); batadi bendakana; Ba mu kisaka kya Betele; ne boba ke batambule kala mapolome ku Masomo a Bufundiji, Masomo a Bible a Bankungulume, Masomo a Bwifundi bwa Bible a Bene Kidishitu Besonge bakokeja nabo kufunda shi babwenye bisakibwa.

• Mwa kulongela: Mu misambo itongelwe, lenyo ya boba basangedile ano masomo iloñwanga ku kitango kya distrike. Myanda mikwabo ilombolwanga ku ino lenyo. Shi kekudipo lenyo ku bitango bya mu yenu ntanda ne usaka kufunda, nabya ukokeja kulembela bilo ya wenu musambo mwanda wa kuyukila’ko myanda mikwabo.

Masomo a Ba mu Komite wa Musambo ne Babo Bakaji

• Kitungo: Kukwasha boba bengila mu Komite wa Musambo bavuije biyampe mwingilo wa kulama mobo a Betele, koku batele mutyima ku myanda ya bipwilo, ne kutala bipindi ne madistrike mu wabo mwaba, kubadila’mo ne bwalamuni, mwingilo wa kutampa mabuku, wa kutuma mabuku, ne kutala mingilo mishileshile.—Luka 12:48b.

• Bula: Myeji ibidi.

• Kifuko: Kitako kya Bufundiji kya Sosiete Watchtower, Patterson, New York, U.S.A.

• Kubwanya Bisakibwa: Ba mu Komite wa Musambo nansha Komite wa Ntanda ne bengila mingilo pamo bwa ino.

• Mwa kwiandikijija: Batutu ne babo bakaji babwenye bisakibwa betwanga na Kitango Kyendeji.

[Kunshi kwa dyani]