Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 12

“Mona bu nobe witabije amba muntu yense usakilwa balunda. Lelo usakanga mulunda nobe ekale na ngikadilo’ka ya mvubu? [Muleke alondolole.] Tala pano mopanenena pa mwanda mwine otufwaninwe kuta mutyima kitatyi kyotutonga balunda netu.” Tambika mwine njibo Kiteba kya Mulami kya 1 Kweji 12, ebiya tanga ne kwisambila nandi pa myanda idi mu kamutwe ka mwanda kabajinji kadi pa paje 16. Tanga kisonekwa kimo pa bitelelwe. Mupe mapepala, ne kumulaya mwiye mwisambile pa kipangujo kilonda’ko.

Kiteba kya Mulami 1 Kweji 12

“Lelo kodi mwiipangule kine kyadi kikadile’ko pa kala bimpengele bya kipangila bivule? [Muleke alondolole.] Mwanda usangaja i uno, Bible wālaile amba kukekalanga bitatyi bya bimpengele. [Tanga Mateo 24:7, 8.] Kino kiteba kya Mulami kilondolola ku bino bipangujo: Mwanda waka dyalelo tumonanga bimpengele bya kipangila bivule? Lelo i mfuto itamba kudi Leza? Bine buno i bubinga bwitukulupija’mba, panopano ponka Leza usa kufudija bimpengele byonso bya kipangila.”

Réveillez-vous ! Kweji 12

Tanga 2 Temote 3:16. Kupwa nena’mba: “Bamo betabije amba Bible i musonekwe ku bukomo bwa mushipiditu wa Leza, ino bakwabo nabo bapatanya. Abe nobe ulanga’po namani? [Muleke alondolole.] Nansha bishidile milangwe pa uno mwanda, ino pavule pene bantu betabije amba kekudipo dibuku kikwabo dyokebadi balongele bukomo bukatampe bwa konakanya’dyo. Uno Réveillez-vous ! wisambila pa bukomo bulongele bantu mwanda wa konakanya Bible ne kujimankanya butangi bwandi mu bula bwa tutwa twa myaka. Kadi ushintulula kine kyapandile.”