Misapwilo ya Kulondela’po

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Mwa Kushilwila Bifundwa bya Bible mu Dya Mposo Dibajinji dya Kweji 12

“Mu kino kitatyi kya mwaka, bavule besambilanga padi Yesu. Molangila i mwingilo’ka mukatampe waāingile? [Muleke alondolole.] Tala mutwe wa mwanda udi pa paje wa 16 wa dino dipela.” Mutambike Kiteba kya Mulami kya difuku 1 Kweji 12, kadi mwisambilei pa myanda idi munshi mwa ka mutwe ka mwanda kamo ne kutanga’po kisonekwa nansha’tu kimo pa bitelelwe’mo. Mupe mapepala ne kwilaya difuku dya kwisambila pa kipangujo kilonda’ko.

Kiteba kya Mulami 1 Kweji 12

“Buno buyo bantu bavule mu mutwe i muyule enka milangwe ya Noele. Le pa ino myanda i wepi omona bu wa mvubu kutabuka? [Mulombole myanda idi pa paje wa 3 ne muleke alondolole. Tala padi kishinte kikwatañene na mwanda waatonga ne kutanga’po kisonekwa mokilupwilwe.] Dino dipepala dilombola muswelo muyampe wa kuvuluka Yesu mu mwaka onso mutuntulu, pa kyaba kya kumuvuluka mu Noele kete.”

Réveillez-vous ! Kweji 12

“Tubaiya kwimunangila’mba twisambe nenu, mwanda bavule baselele mityima kūlu ne kuningilwa. Le nobe umona’mba bantu mu ano mafuku bavule bajimijanga bukidibukidi kitūkijetyima? [Muleke alondolole.] Ino bakwabo shabo bakulupile amba tudi mu mafuku mabi ālailwe pano mu 2 Temote 3:1. [Tanga] Uno Réveillez- vous ! ulombola mwanda waka kubulwa kitūkijetyima kuleta makambakano, kadi uleta ne milangwe palapala ya mwa kwikadila nakyo.”