Muswelo Muyampe wa Kwingidija Ñimbo ya Bulopwe

Bengidi ba Leza bamwene minjiki bu kyabuntu kilumbuluke kitamba kudi Yehova. (Yak. 1:17) Bipwilo bivule byombanga ñimbo ya Bulopwe na bukata bwa diwi bubwanine kumeso ne ku mfulo kwa kupwila. Komba ino minjiki ya kiteokratike i muswelo muyampe wa kwilubula ku kupwila. Kwitukwashanga tuteakanye ñeni yetu ku kutōta. Kadi komba minjiki mipya ya mu dibuku dyetu dya ñimbo kwitukwasha twiibidije na muvumino wa ñimbo ne kwitukwasha twimbe’yo biyampe. Ino minjiki yombwa pa kupwa kupwila ilamanga nsangaji yetu kitatyi kyotwikankamika na banabetu. O mwanda kitango kya bakulumpe kikokeja kukwata’ko mpangiko ya komba minjiki Imbilai Yehova—Mu Piano kumeso kwa kupwila ne pa kupwa. Bafwaninwe kutadija amba bukata bwa diwi bwikale bufwaninwe kadi kebutyimpilepo mīsambo panshi.