Diteba Dyetu dya Entelenete—Widingidije mu Mwingilo obe
Kankamika Bantu Batwele pa Diteba Dyetu: Bamo bapela kwisamba netu, nansha kutambula mabuku etu, kyaba kimo betabijanga kwiyukila abo bene mwikadile Batumoni ba Yehova na kutwela pa jw.org kwabo. Nanshi ponso pomona mukenga, lombola bantu dino diteba.
Malondololo ku Bipangujo: Kyaba kimo mwinē njibo, muntu usangela musapu, nansha muntu otwiyukile nandi ubwanya kwipanguja myanda itala Batumoni ba Yehova, ne nkulupilo yetu. Bukidi bonka ukokeja kumulombola mwa kutanina kilondololwa kupityila ku telefone nansha kompyuta. I biyampe mpata kutanga kisonekwa kitelelwe mu Bible. Shi kwaikele na muswelo utwela pa Entelenete, Lombola muntu muswelo wakokeja kutana kilondololwa aye mwine na kutwela pa jw.org.—Twela pa “Bible et vous/Questions bibliques” nansha pa “Qui sommes-nous?/Questions fréquentes.”
Kutuma Kishinte Nansha Kitabo ku Muntu Kampanda Oyukile: Kitabo kyotentwile mu PDF nansha mu EPUB, lamika’kyo mu adelese yobe ya misapu (e-mail). Ubwanya ne kutentwila pa dishike dyobe dibuku kampanda dikwatwe mu mawi. Kitatyi kyonso kyotumina muntu wa kubulwa kubatyijibwa dibuku dituntulu, boloshile, nansha dipepala, ukebibala bu ubebiponeja mu lapolo. Ke biyampepo kutuma myanda kwampikwa kwiyukanya, nansha kwibitentwila pa Diteba dikwabo dya Entelenete, mhm.—Twela mu “Mabuku.”
Lombola Myanda ya Panopano Itala Batumoni ba Yehova: Ino myanda Ikalengeja mwifundi wa Bible ne bakwabo batendele muswelo utanta mwingilo wetu ntanda yonso ne bumi bwetu bwa bwine Kidishitu. (Mit. 133:1)—Enda pa “Actualités.”
[Tabulo pa paje 5]
(Pa kuyukila’ko bikwabo, tala dibuku)
Tompa’dyo
1 Twela pa “Mabuku,” umone dibuku dyosaka kutentula, ne kutoneka pa dibuku dilembelwe nansha dyodya dikwetwe ku mawi dyosaka’dya.
2 Toneka pa “MP3” amba kulupuke mulongo wa bishinte palapala. Toneka pa kishinte kyosaka kutentula nansha kuteja’byo pa Entelenete.
3 Tonga ludimi lukwabo pa uno mulongo wa ndimi amba utentule dibuku mu ludimi losaka.