Misapwilo ya Kulondela’po

Kampanye ka Kwita Bantu ku Kivulukilo

“Tubaiya kwimwita pamo ne kisaka kyenu mwiye kutanwa ku masobo makatampe mu mwaka asa kulongwa ntanda yonso mu mafuku 26 Kweji 3. I difuku dya kuvuluka lufu lwa Yesu. Kukanenwa mwisambo ukalondwa kwampikwa kufuta witulombola mwitukwashija lufu lwandi. Pa kano kakanda ka lwito i palembwe kitatyi ne kifuko kwine kokikalongelwa muno mwetu.”

Kiteba kya Mulami 1 Kweji 3

“Bamo badi beipangula amba, ‘Le tubwanya kuyuka namani binebine amba Yesu wasangwilwe?’ Le nobe kodi mwiipangule’kyo? [Muleke alondolole.] Tala mwanda waka kilondololwa kya kino kipangujo kidi na mvubu. [Tanga 1 Kodinda 15:14.] Dino dipepala dishintulula motwayukile amba lusangulukilo ke bubelapo.”

Réveillez-vous ! Kweji 3

“Lelo witabije amba kino i kitatyi kikomo kulela kisaka? [Muleke alondolole.] Bambutwile bavule i basokole madingi mayampe mu Bible. Kimfwa, uno vese i mukwashe bambutwile bekale kukimba mikenga ya kufwijija’ko bana ne kutamija kikulupiji mobadi. [Tanga Kolose 3:21.] Mu dino dipepala mudi misoñanya itano ikwasha ba shabana.”