Twikankamikilei ku Mingilo Milumbuluke na Bupyasakane

Bahebelu 10:24 witukankamika amba, “twitei mityima batwe bene na bene mwanda wa kwikankamikila ku buswe ne ku mingilo milumbuluke.” Kimfwa kyetu ne lwitabijo lwetu bikokeja kukankamika banabetu. Lombola banabenu ba mu kipwilo bintu biyampe byowimwenanga. Wibakwashe bamone nsangaji yomonanga mu kwingidila Yehova. Ne kadi, leka kwibadingakanga na abe nansha na bantu bakwabo. (Ngt. 6:4) Ingidija bukomo bobe mu kukankamikila bakwenu ku “buswe ne ku mingilo milumbuluke,” pa kyaba kya kwibapa mutyima wa kwitopeka ne mingilo milumbuluke. (Tala dibuku Masomo a Mwingilo, p. 158, mus. 4.) Shi tukankamikila bantu ku buswe, nabya mingilo—kimfwa kulongela bantu bakwabo biyampe ku ngitu nansha kusapula—nabyo bikalonda.—2 Ko. 1:24.