Tulumbululei Manwa Etu mu Mwingilo—Na Kusapwila Muntu ne Muntu wa mu Mwaba Wetu

KYOKWIKADILE NA MVUBU: Zekadia wālaile amba bantu ba ndimi ya mu mizo yonso baketabija myanda miyampe. (Zek 8:23) Ino, le i ani wadi wa kwibafundija? (Lo 10:13-15) Tudi na dyese ne kiselwa kya kusapwila muntu ne muntu wa mu mwaba wetu myanda miyampe.—od p. 84 mus. 10-11.

MWA KULONGELA:

• Witeakanye. Le witananga na bantu besamba ludimi lungi? Nabya ubwanya kwifunda pa JW Language mwa kusapwila bipēla, nansha kulombola muntu mwa kusokwela myanda mivule mu lwandi ludimi pa jw.org na kwingidija tabulete nansha telefone yobe

• Ikala na bujinguludi. Shi usapula ku njibo ne njibo, kokapita mupityeshinda pampikwa kumusapwila nansha ke boba bakunga myotoka. Shi usapula mu kibumbo kya bantu, tá mutyima ku kitungo kyobe kya kupāna bukamoni

• Ikala mukankamane. Wielele’ko kukimba boba bokwatenepo ku njibo. Longa bukomo bwa kutana muntu ku njibo ne njibo, padi mu mansá makwabo nansha mu difuku dikwabo dya mu yenga. Bantu bamo basakilwa padi kwisamba nabo ku mikanda, ku telefone nansha mu busapudi bwa mu bipito

• Wibajokele. Jokela bukidibukidi muntu ense usangedile musapu. Shi muntu wisambanga ludimi lungi, kimba muntu ubwanya kumukwasha mu lwandi ludimi. Ufwaninwe kwendelela kumupempula kufika’nka ne byaetana na basapudi besamba ludimi lwandi.—od p. 94 mus. 39-40

TALAI VIDEO BASAPULA “KULAKULA KWINE KWA NTANDA,” KUPWA LONDOLOLAI KU BINO BIPANGUJO:

• 

  Le batutu ne bakaka beteakenye namani pa kukasapwila bantu ba mu mwaba wa kulampe? (1Ko 9:22, 23)

• 

  Le i bikoleja’ka byobadi ba kulwa nabyo?

• 

  Le i madyese’ka obemwenine?

• Le i bukomo’ka bobwanya kulonga pa kusapwila bantu bavule mu obe mwaba?