BYABULĒME BYA MU KINENWA KYA LEZA | MAKO 3-4
Ubelula mu dya Sabato
Mwanda waka Yesu wāfityilwe bininge pa mwikadila wa bendeji ba bipwilo bya Bayuda? Mwanda bāalamwine Sabato ke kiselwa kilēma na kubweja’ko tujilajila ketubadika. Kimfwa, kwipaya nkupa mu dya Sabato kwādi kupelejibwe. Kundapa kwādi kwitabijibwe enka shi būmi bwa muntu budi mu kyaka. Ko kunena’mba, shi muntu wepenyemuna nansha kutyumukwa mikupa kādipo ubwanya kundapwa mu dya Sabato. Na bubine, bendeji ba bipwilo kebākambakeninepo uno muntu wa kuboko kūmu.