Kimonwa Kikomeja Lwitabijo

9:1-7

Fwatakanya mwēivwanine Yesu paāivwene Shandi wa mūlu unena mu kimonwa kya kushinta’mba Umuloelelwe. Na bubine, kino kyākomeje Yesu ku masusu ādi amutengēle. Kadi kino kimonwa kyākulupije bininge ba Petelo, Yakoba ne Yoano. Yesu wādi bine Meshiasa, kadi bādi bafwaninwe kumuteja. Kubwipi kwa myaka 32 kupita’po, Petelo wādi ukivuluka uno mwanda ne muswelo owāmukulupije bininge mu “kinenwa kya bupolofeto.”​—2Pe 1:16-19.

Nansha byoketwamwenepo kino kimonwa kitulumukwa, ino tusapulanga kufikidila kwakyo. Yesu uludikanga bu Mulopwe mukomokomo. Panopano ponka, usa “kuvuija bushindañani bwandi,” na kushitula dishinda dya ntanda mipya myoloke.​—Kus 6:2.

Le lwitabijo lobe lukomejibwanga namani pomona bupolofeto bwa mu Bible bufikidila?