Tulumbululei Manwa Etu Mu Mwingilo​—Na Kukwasha Boba “Badi na Mutyima Muyampe” Bekale Ke Bana ba Bwanga

KYOKWIKADILE NA MVUBU: Yehova utamijanga nkunwa ya bubine mu mityima ya boba “badi na mutyima muyampe wa kukamona būmi bwa nyeke.” (Bil 13:48; 1Ko 3:7) Twingilanga nandi pamo potulonga bukomo bwetu mu mwingilo bwa kuta mutyima boba basangela byobefunda. (1Ko 9:26) Bantu botwifundanga nabo Bible bafwaninwe kwivwanija’mba lwitabijo lwa bwine Kidishitu ludi na mvubu pa kumona lupandilo. (1Pe 3:21) Twibakwashanga bekale ke bana ba bwanga na kwibafundija bashinte mu būmi bwabo, basapule ne kufundija, ne kupāna būmi bwabo kudi Yehova.​—Mat 28:19, 20.

MWA KULONGELA:

• Vuluja bowifundanga nabo Bible amba kitungo kyowifundila nabo i kwibakwasha ‘bayuke’ Yehova ne kumusangaja.​—Yoa 17:3

• Wibakwashe bendelele ku mushipiditu na kukomena bikoleja, pamo bwa bibidiji bibi ne balunda babi

• Wibakomeje ne kwibakankamika kumeso ne pa kupwa kwa abo kubatyijibwa.​—Bil 14:22

TALAI VIDEO YEHOVA LEZA UKAKUKWASHA, KUPWA LONDOLOLAI BINO BIPANGUJO:

• Le i moyo wa bika ubwanya kukankaja muntu aleke kwipāna ne kubatyijibwa?

• Le bakulumpe babwanya kukwasha namani bantu botwifundanga nabo Bible bendelele ku mushipiditu?

• Le Isaya 41:10 witufundija bika padi Yehova?

• Le i ngikadila’ka iketukwasha twingidile Yehova mu muswelo waitabije nansha byotudi bakubulwa kubwaninina?