Le Umonanga Ngikadila ya Leza Yampikwa Kumweka?

Pobandilanga maluba a misombelo mishileshile, diulu ditoyole ñenyenye, nansha mema atūta, le umonanga mingilo ya makasa ya Umpangi? Bupangi botumona koku ne koku bumwekejanga patōkelela ngikadila ya Yehova yampikwa kumweka. (Lo 1:20) Shi twimana ne kulangulukila pa byotumona na meso etu, nabya tukemwena bukomo bwa Leza, buswe bwandi, boloke, kubadila’mo ne buntu bwandi.—Ñi 104:24.

Le i mingilo’ka imoimo ya bupangi bwa Yehova yomonanga difuku ne difuku? Nansha shi ushikatanga mu kibundi kikatampe ubwanya kumona toni ne mityi. Kubandila senene bupangi bwa Yehova kubwanya kwitukwasha tutyepeje’ko kuzumbijazumbija mutyima, twikale na mumweno muyampe pa makambakano etu ne kuvudijija’ko lwitabijo lwetu mu bukomo bwa Yehova bwa kwitukinga nyeke ne nyeke. (Mat 6:25-32) Shi udi na bana wibakwashe nabo bamone ngikadila ya kutendelwa ya Yehova. Potwenda tutamija mutyima wetu wa kufwija’ko pa bupangi botumona koku ne koku, tukafwena bininge Umpangi.—Ñi 8:3, 4.

TALAI VIDEO BUPANGI BUSOKOLANGA NTUMBO YA LEZA—KITŌKEJI NE MISOMBELO, KUPWA LONDOLOLAI BINO BIPANGUJO:

• I kika kilengejanga tumone misombelo?

• Le i bika bilengejanga musombelo ushinte mungya bukila bowiutadila?

• Mwanda waka tumonanga diulu dishintashinta misombelo?

• Le i bintu’ka bya mu bupangi bidi na misombelo yeñenya bininge byomumonanga komushikete?

• Mwanda waka tufwaninwe kwitūdila’ko kitatyi kya kubandila senene bupangi?