“Endelelai Kufwatakanya Bino Bintu”

Le i bintu’ka? Bene Fidipai 4:8 witulombola tulangulukile pa bintu bya bine, bilēmekwa, byoloke, byampikwa disubi, bya kusanshibwa, binenenwa biyampe, bya mwikadilo muyampe, ne bya kutendelwa. Shako, bene Kidishitu kebanenwepo kulangulukila enka pa myanda ya mu Bisonekwa kete. Inoko, myanda yotulanguluka mu mutyima ifwaninwe kusangaja Yehova. Keifwaninwepo kuzozeja kusumininwa kotusumininwe kumukōkela.​—Ñi 19:14.

Bibwanya kwitukomena kwepuka milangwe mibi. Inoko tufwaninwe kulwa na kubulwa kubwaninina kwetu ne na Satana, “leza wa ino ngikadilo ya bintu.” (2Ko 4:4) Byaludika bisanji bidi mu ino ntanda, o mwanda myanda mivule ya ku televijo, ku maladiyo, pa Entelenete, ne mu majulunale ibabipa. Shi ketutongepo senene bintu byotutweja mu ñeni yetu, nabya milangwe yetu ikoneka, kadi bityebitye mwiendelejo wetu ukabipila’ko bininge.​—Yak 1:14, 15.

TALAI VIDEO EPUKA BINTU BYONAKANYA LULAMATO LOBE​—KWIPWIJA MUKOSE KUBI, KUPWA LONDOLOLAI BINO BIPANGUJO:

• 

  Le Tutu wadi utala bika mu telefone yandi, ne byamonene namani?

• 

  Le Bene Ngalatea 6:7, 8 ne Ñimbo ya Mitōto 119:37 byamukweshe namani?