Le Usenswe Kinenwa kya Leza Bininge?

Mu Bible mudi milangwe ne binenwa bya Yehova Leza, Mwine wālembeje dino dibuku dikola. (2Pe 1:20, 21) Bible byaesambila bininge pa kubingijibwa kwa bubikadi bwa Leza kupityila ku Bulopwe bwandi, upanga bantu lukulupilo amba panopano kukekala bitatyi bilumbuluke. Kadi Bible ulombolanga ne buswe bwa Yehova, Tata wetu wa mūlu.​—Ñi 86:15.

Muntu ne muntu udi na bubinga bwasanshilwe Kinenwa kya Yehova. Le tulombolanga’mba tusenswe bininge kino kyabuntu kilēme na kwikitanga difuku ne difuku ne kwikingidija mu bwetu būmi? Nanshi bilongwa byetu bilombole amba twiivwananga na mweivwanine mulembi wa Ñimbo ya Mitōto wānenene amba: “Bine, nsenswe bijila byobe!”​—Ñi 119:97.

TALAI VIDEO BADI BAMWENE BIBLE NA MVUBU—KAKIPINDI (WILLIAM TYNDALE), KUPWA LONDOLOLAI BINO BIPANGUJO:

• 

  Mwanda waka William Tyndale waalamwine bipindi bimo bya Bible?

• Mwanda waka bukomo bwaalongele pa kwalamuna Bible i bwa kutendelwa bininge?

• Le Mabible aalamwine Tyndale atwelele namani mu Angeletele?

• Le batwe bonso tubwanya kulombola namani amba tusenswe Kinenwa kya Leza?