Yehova Uyukile Byotusakilwa

Umpika mukōkele ne mudyumuke witupanga byakudya “pa kitatyi kifwaninwe,” kino kilombola’mba Yehova, mwine uludika uno umpika, uyukile byotusakilwa ku mushipiditu. (Mat 24:45) Mu bintu bileta bukamoni bwa patōkelela pa uno mwanda, mudi bitango byetu bya ntanda ne kupwila kwa mu yenga.

TALAI VIDEO LAPOLO YA 2017 YA KOMITE WA BUFUNDIJI, KUPWA LONDOLOLAI BINO BIPANGUJO:

• 

  Le i ani ufwaninwe kutumbijibwa pa bitango byotulonga pa kitatyi kifwaninwe, ne mwanda waka?

• Le kitango kishilulanga kuteakanibwa kitatyi’ka?

• 

  Le myanda inenwanga ku bitango itoñwanga namani?

• Le i bika biloñwanga pa kuteakanya bitango?

• Le manwa a mwa kwifundila a ku Ngileade i mengidijibwe mu kupwila kwa mu yenga muswelo’ka?

• 

  Le ba mingilo palapala bengidilanga pamo namani pa kuteakanya kabuku ka ku kupwila?

Le ubeivwana namani pa bino bidibwa bya ku mushipiditu bitupa Yehova?