Le I Bika Byobwanya Kwifunda ku Ñimbo ya Ntentekelo?

Le i ñimbo’ka ya ntentekelo yosenswe? Ne mwanda waka wiisenswe? Le umona’mba mavideo a ino ñimbo alombolanga myanda ya mu būmi bwa difuku ne difuku? Byoidi na myombelo ne mitwe ya myanda mishileshile, nanshi muntu ense udi na lwimbo lwasenswe. Inoko ñimbo ya ntentekelo ne minjiki yayo ya mavideo ke ya kwipwija’po’tu nayo mukose.

Lwimbo ne lwimbo lwa ntentekelo lwitufundijanga bufundiji bwa kamweno botubwanya kwingidija mu būmi bwetu bwa bwine Kidishitu ne mu busapudi. Ñimbo imo īsambilanga pa kizaji, pa bumo, pa bulunda, pa bukankamane, pa buswe, ne pa lwitabijo. Mikwabo nayo īsambilanga pa muswelo wa kujokela kudi Yehova, pa lulekelo, pa mwa kulamina bululame, ne pa mwa kulondelalondela bitungo bya ku mushipiditu. Kudi ne lwimbo lwa ntentekelo lwisambila pa mwa kwingidijija matelefone na bujalale. Le i bufundiji’ka bukwabo bwa kamweno bowefundile ku ñimbo ya ntentekelo?

TALAI VIDEO YA LWIMBO LWA NTENTEKELO LUNENA’MBA PABWIPI PONKA, KUPWA LONDOLOLAI BINO BIPANGUJO:

• Le bano ba mulume ne mukaji banunu balangulukilanga pa madyese’ka a kumeso?​—Ngo 12:3

• Le tuningijanga namani lwitabijo lwetu mu bukomo bwa Yehova bwa kufikidija milao yandi?

• Le i bintu’ka bisangaja byafwena pabwipi ponka?

• Le lukulupilo lwetu mu Bulopwe bwa Leza lwitukwashanga namani tūminine makambakano a dyalelo?​—Lo 8:25