Dyumuka Kuzambalaja Myanda ya Bubela

Dyalelo, myanda ibwanya kusambakana bukidi bonka ku bantu bavule kupityila ku bilembwa bitampe, ladiyo, televijo, nansha Entelenete. Batōtyi ba “Leza wa bubine” kebafwaninwepo kuzambalaja myanda ya bubela, nansha ke pampikwa kusaka kwine. (Ñi 31:5; Div 23:1) Myanda ya nsapu-nsapujana iletanga makambakano makatampe. Pa kuyuka shi i myanda ya bine, wiipangule amba:

• ‘Le itambanga kudi muntu ukulupilwa?’ Padi yewa ukusapwila myanda kayukilepo myanda yonso moikadile. Bantu pobesambulwila myanda, bashintanga ne bubine bwa myanda’ya, nanshi dyumuka shi kuyukilepo kwine koitambile. Boba badi na madyese mu kipwilo byobakulupilwe amba banenanga myanda ya bine, bafwaninwe kudyumuka bininge kusekununa myanda yokebadipo na bukamoni

• ‘Le i myanda ya kuvubakanya?’ Shi i myanda ya kufutulula muntu nansha kibumbo kya bantu, nabya kokanena’yo.​—Nki 18:8; Fid 4:8

• ‘Le i myanda ya bine?’ Dyumuka kusekununa mānga nansha myanda isanshija

TALAI VIDEO LE NKALEKA NAMANI KUNENENA BAKWETU BIBI?, KUPWA LONDOLOLAI BINO BIPANGUJO:

• 

  Mungya Nkindi 12:18, le binenwa bibwanya kuleta makambakano’ka?

• 

  Le kisonekwa kya Bene Fidipai 2:4 kitukwasha namani twikale na mumweno muyampe pa kunena myanda ya bantu bakwabo?

• 

  Le nkalonga namani shi bantu abaanza kufutulula bakwabo nansha kwibanenena bibi?

• 

  Kumeso kwa kwisambila pa myanda ya bakwetu, le i bipangujo’ka byotufwaninwe kwiipangula?