Kitungo kya Byamulambu

1:3; 2:1, 12; 3:1

Byamulambu nansha bitapwa byādi bisoñanibwe mu kipwano kya Bijila byādi bisangaja Yehova, kadi byādi bifunkila padi Yesu ne pa kitapwa kya kinkūlwa nansha pa byabuyabuya bimwenwa kupityila pa kino kitapwa.​—Bah 8:3-5; 9:9; 10:5-10.

• Banyema bonso bādi balambulwa bu bitapwa bādi bafwaninwe kwikala bampikwa kato kadi bampikwa bulema, muswelo umo onka Yesu nandi wālambwile bu kitapwa umbidi wandi mubwaninine kadi wampikwa kato.​—1Pe 1:18, 19

• Kyamulambu kisōkwe kyādi kilambulwa kyonso kituntulu kudi Leza, muswelo umo onka Yesu nandi wēlambwile aye yense kudi Yehova

• Bonso bādi balambula kyamulambu kya kipwano kitabijibwe bādi bekala mu ndoe na Leza, muswelo umo onka bashingwe māni nabo badya ku Bidibwa bya Kyolwa bya Mfumwetu badi mu ndoe na Leza