Tulombolanga Buswe na Kukwatakanya Bulemununi bwa Yehova

Kupanga muntu kukiñanga kipwilo ne kulemununa banonga bibi bampikwa kwisāsa. (1 Ko 5:6, 11) Tulombolanga buswe kitatyi kyotukwatakanya buno bulemununi butamba kudi Yehova. Kupanga muntu byo kusanshijanga yewa upangwa, babutule bandi ne bene batenwe mu komite wa butyibi, le penepo i kilomboji kya buswe namani?

Dibajinji tulēmekejanga Yehova, ne kulombola’mba tusenswe misoñanya yandi ya bu ujila. (1Pe 1:14-16) Kadi tulombolanga amba tusenswe yewa upangilwe. Nansha kulemununwa kusumininwe byo kusansanga, inoko kupanga “kipa kya ndoe kya boloke.” (Bah 12:5, 6, 11.) Shi tupwana na muntu mupangwe nansha mupaluke aye mwine kudi Yehova, nabya tulwanga na bulemununi bwa Yehova. Ketwakilwai’ko amba, Yehova ulemununanga bantu bandi “mobyendele.” (Yel 30:11) Shi tukwatakanye bulemununi bwa Yehova ne kwendelela kwingila mingilo ya ku mushipiditu, nabya tukulupilei amba yewa upangilwe ukajokela kudi Tata wetu wa lusa.—Isa 1:16-18; 55:7.

TALAI VIDEO INENA’MBA KOKĒLA NA MUTYIMA UMO, KUPWA LONDOLOLAI BINO BIPANGUJO:

• 

  Le bambutwile Bene Kidishitu beivwananga namani shi wabo mwana wapaluka kudi Yehova?

• 

  Le kipwilo kikakwasha namani ba mu kisaka kya upangilwe?

• 

  Le i nsekununi’ka ya mu Bible ilombola mvubu ya kulamata bininge kudi Yehova kupita ba mu kisaka?

• 

  Le tukalombola namani amba tulamete bininge Yehova kupita ba mu kisaka?