BŪMI BWA BENE KIDISHITU
Ibidija Kyaba Kyonso Bukomo Bobe bwa Kusansanya Bintu
Mukai pa kusaka’mba ekale nyeke wa bwino ufwaninwe kwiibidija kyaba ne kyaba. Mo monka, netu tufwaninwe kulonga nyeke bukomo bwa kwibidija bukomo bwetu bwa kusansanya ne kwibulama. (Bah 5:14) Nanshi ketufwaninwepo kulomba bakwetu betulombole bya kulonga mu butyibi bwitutala batwe bene, ino tufwaninwe kwibidija bukomo bwetu bwa kusansanya ne kwanza kwikwatyila butyibi batwe bene. Mwanda waka? Mwanda batwe bonso muntu ne muntu ukeshintulwilanga pa butyibi bwakwata.—Lo 14:12.
Kadi ketufwaninwepo kulanga’mba tukakwata butyibi buyampe mwanda’po’tu ketudi beje mu kubatyijibwa. Pa kukwata butyibi na tunangu, tufwaninwe kukulupila Yehova bininge, Kinenwa kyandi, ne bulongolodi bwandi.—Yos 1:7, 8; Nki 3:5, 6; Mat 24:45.
TALAI VIDEO “LAMA MUTYIMA WA MUNDAMUNDA MUYAMPE,” KUPWA LONDOLOLAI BINO BIPANGUJO:
Le Emma wadi ufwaninwe kukwata butyibi’ka?
Mwanda waka ketufwaninwepo kulombola muntu milangwe yetu pa myanda itala mutyima wandi wa mundamunda?
Le ba mulume ne mukaji bamo badingile Emma madingi’ka a tunangu?
Le i kwepi kwatene Emma madingi amukweshe mu mwanda waadi wikonda nao?