Itabija Bukwashi bwa Banabetu

Pa kwitukwasha, Yehova i mwitupe “kisaka kituntulu” kya batutu ne bakaka. (1Pe 5:9) Babwanya kwitukwasha potutana bikoleja mu busapudi. Kimfwa mutumibwa Polo wākwashibwe na ba Akwila ne Pishila, Shilasa, Temote, ne bakwabo.​—Bil 18:1-5.

Le banabetu babwanya kukukwasha namani mu mwingilo? Babwanya kukupa madingi mayampe a mwa kunekenenya bijika, mwa kulongela kujokela’mo, nansha mwa kushilwila ne kwendeja bifundwa bya Bible. Tala mu kipwilo kyenu shi mudi mwanetu ubwanya kukupa bukwashi bosakilwa, kupwa umulombe a kukwashe. Na bubine mukamwena’mo banwe bonso, kadi mukavudija nsangaji yenu.​—Fid 1:25.

TALAI VIDEO IKALA NA NSANGAJI MU KULONGA BANA BA BWANGA​—ITABIJA BUKWASHI BWA YEHOVA—​BANABETU, KUPWA LONDOLOLAI BINO BIPANGUJO:

• 

  Le Meta wakankamika namani Jolie atanwe ku kupwila?

• 

  Mwanda waka i biyampe kwenda na basapudi bakwabo ku bifundwa byetu bya Bible?

• 

  Le i bintu’ka byadi bisenswe Jolie ne kaka Abiga?

• Le banabetu babwanya kukukwasha wikale na bwino’ka mu busapudi?