Le i Muswelo’ka Ubwanya Bakaka Kwitungila Bitungo ne Kufikila’po?

Bakaka bakwashanga na byabuntu mwanda wa kukwatakanya mwingilo wa Bulopwe. (Ñi 68:11) Kadi bendejanga bifundwa bya Bible bivule ku mobo. Mu ba pania ba lonso, bavule i bakaka. Kudi tununu ne tununu twa bakaka bengila bininge. Kimfwa bamo bengilanga ku Betele, bu bamishonele, bengidi bakwilanga ba ku mwingilo wa lubako, nansha kubwalamuni. Bakaka batame kumushipiditu nabo baningijanga byabo bisaka ne kukankamika bipwilo. (Nki 14:1) Nansha bakaka byo kebabwanyapo kwingila bu bakulumpe nansha bu bengidi bamingilo, inoko kudi bitungo byobabwanya kwitungila mu kipwilo. Shi wi kaka, le i bitungo’ka pa bino byobwanya kwitungila ne kufikila’po?

• Kutamija ngikadila ya ku mushipiditu.​—1Tm 3:11; 1Pe 3:3-6

• Kukwasha bakaka mu kipwilo bampikwa bwino.​—Tet 2:3-5

• Kulumbulula mwingilo wa busapudi ne kutakamena’mo

• Kwifunda ludimi lweni

• Kwenda kokwa kusakilwa bukwashi

• Kudinga fomu wa kwingila ku Betele nansha kukwasha ku lūbako lwa bifuko bya kutōtela’po

• Kudinga fomu wa Masomo a Basapudi ba Bulopwe

TADIJA VIDEO “BANA-BAKAJI BENGILA BININGE MUDI MFUMWETU,” KUPWA LONDOLOLAI KINO KIPANGUJO:

• Le bino binenwa bya bano bakaka bibakukankamika namani?