WIIBIDIJE MWA KUSAPWILA | SANGELA BININGE BUSAPUDI
Fundija Befundi ba Bible Bedishe Abo Bene ku Mushipiditu
Pa kusaka’mba botwifunda nabo Bible bafikile pa bisakibwa byabo bya ku mushipiditu ne kwendelela ku mushipiditu, banenwe kwifunda bivule kupita’ko kwimanina enka pa byotwibafundijanga. (Mat 5:3; Bah 5:12–6:2) Bafwaninwe kwifunda muswelo wa kwidisha abo bene ku mushipiditu.
Pomukidi ku ngalwilo, fundija bowifunda nabo Bible mwa kuteakenya myanda yomusa kwifunda, kadi wibakankamike balonge namino. (mwb18.03 p. 6) Wibakankamike balombele ku meso kwa kuteakanya kifundwa ne kifundwa. Wibakwashe bayuke mwa kutentwila ne kwingidija mabuku a kwifunda a mu bingidilwa bya busendwe. Wibashintulwile mwa kutanina bipya bitulwa pa jw.org ne mu Televijo ya Jw. Bityebitye, wibakwashe batange Bible difuku ne difuku, bateakanye kupwila, balonge bukimbi ne kutana malondololo ku bipangujo byabo. Ne kadi wibakwashe balangulukile pa byobefunda.
TALAI VIDEO KWASHA BEFUNDI BA BIBLE BEDISHE ABO BENE KU MUSHIPIDITU, KUPWA LONDOLOLAI BINO BIPANGUJO:
Le Meta wakwashanga namani Jolie evwanije amba kwifunda kulombanga bivule kupita’ko kuleta malondololo?
Le i bika byakwashanga Jolie etabije amba Yehova udi na bubinga bwa kupeleja busekese?
Fundija befundi ba Bible bayuke muswelo wa kwifunda myanda ya mvubu mpata ne kwiingidija
Le i bika byaivwanijanga Jolie pa kupwa kulanguluka?