BŪMI BWA BENE KIDISHITU
Ñeni Yotuboila ku Būmi bwa Samwele
Samwele wākōkele Yehova mu būmi bwandi bonso. Pāadi ukidi nkasampe wāpelele kulonga bilongwa bibi byādi bilonga bana ba Edi, ba Hofini ne Finease. (1Sa 2:22-26) Samwele wādi wenda utama kadi Yehova wādi nyeke nandi. (1Sa 3:19) Kadi nansha kepāadi ke mununu wānangile enka mu dishinda dya Yehova nansha bandi bana byokebāmwiwilepo.—1Sa 8:1-5.
Le kimfwa kya Samwele kibwanya kwitufundija bika? Shi ukidi nkasampe, kulupila amba Yehova wivwanije makambakano olwa nao ne muswelo owiivwana. Ubwanya kukukwasha wikale na bukankamane. (Isa 41:10, 13) Shi wi mbutwile udi na mwana mupaluke, kimfwa kya Samwele kikakusenga bininge, Samwele kādipo uningila bandi bana kebatame mwanda wa bashale nyeke bakōkele misoñanya ya Yehova. Wālekēle Yehova ino myanda yonso, walama bululame bwandi ne kusangaja Shandi wa mūlu Yehova. Padi kimfwa kyobe kiyampe kikakwasha obe mwana ajokele kudi Yehova.
TALAI VIDEO ÑENI YOTUBOILA KU BŪMI BWA—SAMWELE, KUPWA LONDOLOLAI BINO BIPANGUJO:
Le Samwele wālombwele bukankamane namani pāadi ukidi nkasampe?
Le i muswelo’ka Danny waalombolanga bukankamane?
Le i kimfwa’ka kiyampe kyāshile Samwele pāadi ke mununu?
Yehova ukwatakanyanga boba bonso bashala bemanije mwanda wa kulonga byoloke
Le kimfwa’ka kiyampe kyashile bambutwile ba Danny?